وزیر خزانہ مفتاح اسماعیل کا کہنا ہے کہ آئی ايم ايف چاہتا ہے کہ فيول پر سبسڈی نہ دی جائے اور ہم آئی ايم ايف پروگرام دوبارہ شروع کرنے کے خواہش مند ہيں۔
وزير خزانہ مفتاح اسماعيل نے واشنگٹن ميں تھنک ٹينک سے خطاب کرتے ہوئے کہا کہ آئی ايم ايف پاکستان کے معاشی ڈھانچے ميں اصلاحات چاہتا ہے۔ آئی ايم ايف پاکستان ميں اسٹرکچرل اصلاحات چاہتا ہے۔
یہ بھی پڑھیں: آئی ایم ایف نظر انداز، حکومت ن سیلز ٹیکس صفر کرنے کے بعد پٹرولیم لیوی بھی کم کر دی
اس موقع پر انہوں نے بتایا کہ ہم متفق ہيں کہ يہ اصلاحات ضروری ہیں اور انہيں متنازع نہيں ہونا چاہيے، ايف اے ٹی ايف کی گرے لسٹ سے نکلنا چاہتے ہيں اور پاکستانی معيشت کو درآمدات سے برآمدات کی جانب سے ليکر جانا چاہتے ہيں۔
وزیر خزانہ کا یہ بھی کہنا تھا کہ دوست ممالک بھی چاہتے ہيں کہ پاکستان کا آئی ايم ايف پروگرام دوبارہ شروع ہو۔ پاکستان ميں معاشی استحکام کيلئے کوشاں ہيں۔ کوشش ہے کہ ريزرو ميں 50 فيصد تک اضافہ ہو۔ وفاقی وزیر کے مطابق ايک سال کے اندر انتخابات کی طرف جائيں گے، جب کہ تیل کی قیمتوں پر ان کا کہنا تھا کہ تیل کی قیمتوں میں غیر حقیقی کمی کر کے عمران خان ہمارے لیے جال بچھا کرگئے .