انسپکٹر جنرل آف پولیس پنجاب سردار علی خان کے ویژن کے مطابق تھانہ جات میں روزانہ کی بنیاد پر کھلی کچہری کا سلسلہ جاری ڈسٹرکٹ پولیس آفیسر منڈی بہاؤالدین انور سعید طاہر کی تھانہ سول لائن میں کھلی کچہری عوامی مسائل سنے کھلی کچہری میں شہریوں کے مسائل سن کر ان کے حل کے احکامات جاری کیے گئے. شہریوں کو ان کی دہلیز پر انصاف کی فراہمی اولین ترجیح ہے:ڈی پی او انور سعید طاہر
منڈی بہاؤالدین( ایم.بی.ڈین نیوز 11 دسمبر 2021) ڈسٹرکٹ پولیس آفیسر منڈی بہاؤالدین انور سعید طاہر نے تھانہ سول لائن میں کھلی کچہری کاانعقاد کیا، کھلی کچہری میں گردو نواح کے علاقہ کی عوام الناس سے درخواستیں موصول کر کے ان کے حل کے لئے فوری طور پر متعلقہ افسران کو احکامات جاری کئے اور کچھ درخواستوں کو موقع پر حل کر دیا گیا.
یہ بھی پڑھیں: ڈی پی او منڈی بہاؤالدین کی قادر آباد میں کھلی کچہری، عوامی مسائل سنے
کھلی کچہری میں سرکل صدر کے ڈی ایس پی، ڈی ایس پی ہیڈکوارٹرز ، ایس ایچ اوز، درخواست گزار، معززین شہر، میڈیا نمائندگان اور عوام الناس کی کثیرتعداد نے شرکت کی. ڈی پی اوانور سعید نے خطاب کرتے ہوئے کہا کہ کھلی کچہری کے انعقاد کا بنیادی مقصدپولیس اور عوام کے مابین فاصلوں کو ختم کر نا، عوام الناس کے مسائل کو سننا ان کا مناسب حل، بروقت کاروائی اور جلد از جلد انصاف کے تقاضوں کو پورا کرنا ہے تاکہ عوام الناس کو انصاف ان کی دہلیز پر پہنچایا جا سکے.
عوام الناس کے لئے پولیس افسران کے دروازے چوبیس گھنٹے کھلے ہیں،عوامی شکایات کے فوری ازالے کے لئے پولیس اپنے تمام تر وسائل اور اختیارات بروئے کار لارہی ہے اور اس میں کسی قسم کی کوتاہی اور لاپرواہی ہر گز برداشت نہ کی جائیگی،مزید برآں ڈی پی او کہنا تھا کہ ضلع بھر سے جرائم پیشہ عناصر کا خاتمہ پولیس کی اولین ترجیحات میں شامل ہے