ڈپٹی کمشنر محمد شاہد نے زیر تعمیر ریسٹ ہاﺅس، آفیسرز کالونی اور نرسنگ ہاسٹل کا دورہ کر کے جاری ترقیاتی منصوبوں کا تفصیلی معائنہ کیا۔ اس موقع پر ایڈیشنل ڈپٹی کمشنر فنانس حافظ غلام مرتضیٰ اور دیگر افسران بھی ان کے ہمراہ تھے۔
منڈی بہاوالدین( ایم.بی.ڈین نیوز 10 مئی 2022 ) ڈپٹی کمشنر نے کام کے معیار کا جائزہ لیا اور ضروری ہدایات بھی جاری کیں۔ اس موقع پر ان کا کہنا تھا کہ ترقیاتی سکیموں کیلئے صوبائی حکومت ہر ممکن وسائل اور فنڈز مہیا کر رہی ہے، حکومت کی جانب سے فنڈز کے اجراءکے بعد ترقیاتی محکموں کے سربراہان جاری منصوبہ جات پر کام کی رفتار تیز کرتے ہوئے منصوبوں کو جلدازجلد مکمل کروائیں.
انہوں نے کہا کہ کام ٹھیکیداروں پر چھوڑنے کی بجائے محکموں کے افسران سکیموں کی خود نگرانی کریں اور تمام سکیموں کی بر وقت تکمیل یقینی بنائیں۔ انہوں نے کہاکہ ترقیاتی منصوبوں کا جائزہ لیتا رہوں گا، ترقیاتی سکیموں میں معیار اور رفتار کا توازن ہی قابل قبول ہو گا اور کوالٹی کے معیار پر کوئی سمجھوتہ نہیں کیا جائے گا۔