ایس ایچ او تھانہ سول لائن حامد ناصر رانجھا نے گفتگو کرتے ہوئے کہا کہ ڈی پی او منڈی بہاؤالدین کی ہدایت کے مطابق یومِ آزادی کے موقع پر موٹر سائیکل ون ویلنگ اور پھٹے ہوئے سلنسر کسی صورت برداشت نہیں کیے جائیں گے۔
انہوں نے کہا کہ پولیس ٹیمیں شہر بھر میں گشت کریں گی اور کسی بھی شخص کو ایسی خطرناک حرکات کرنے یا امن عامہ خراب کرنے کی اجازت نہیں دی جائے گی۔ قانون کی خلاف ورزی کرنے والوں کے خلاف فوری مقدمات درج کیے جائیں گے۔
ایس ایچ او نے عوام اور والدین سے اپیل کی کہ وہ اپنے بچوں کو ون ویلنگ اور شور پیدا کرنے والے سلنسر کے استعمال سے روکیں تاکہ 14 اگست کا دن خوشی، امن اور سلامتی کے ساتھ منایا جا سکے۔