اسٹیٹ بینک نے نئے کرنسی نوٹوں کے ڈیزائن کا انتخاب کر لیا ہے۔ یہ بات گورنر اسٹیٹ بینک جمیل احمد نے شرح سود برقرار رکھنے کے لیے کراچی میں پریس کانفرنس کے دوران میڈیا کو بتائی۔
گورنر نے کہا کہ نئے کرنسی نوٹ لانے کا عمل جاری ہے جس کے لیے ڈیزائن کا انتخاب کیا گیا ہے۔ ایک بین الاقوامی ماہر کا ڈیزائن منتخب کیا گیا ہے۔
گورنر اسٹیٹ بینک جمیل احمد کا مزید کہنا تھا کہ کابینہ کی منظوری کے بعد نئے ڈیزائن کے نوٹوں پر کام شروع ہو جائے گا۔