ڈپٹی کمشنر طارق علی بسرا نے پھالیہ میں دیہی مرکز مال اور ڈیجیٹل گرداوری کے آن لائن عمل کا بھی معائنہ کیا۔ انہوں نے کہا کہ دیہی مرکز مال کے قیام کا مقصد ہی قانون گوئی کی سطح پر زمینداروں کو ان کی دہلیز پر ہی اراضی ، انتقالات و فرد ملکیت کی نقول کی فراہمی کو یقینی بنانا ہے ۔
منڈی بہاءالدین ( ایم.بی.ڈین نیوز 14 اکتوبر 2021) انہوں نے کہاکہ دیہی مرکز مال حکومت پنجاب کا ایک انقلابی اقدام ہے جہاں عوام الناس کو تمام اقسام کی فرد کے اجراءاور ہر قسم کے زمینوں اور جائیدادوں کے انتقالات کی سہولت میسر ہیں۔ انہوں نے دیہی مر کز مال پر آنے والے مختلف سائلین سے بات چیت کر کے مسائل سنے اور ان کے حل کیلئے احکامات بھی جاری کئے۔انہوں نے دیہی مرکز مال پر آئے ہوئے سائلین کو اپنی نگرانی میں فردیں جاری کروائیں۔
انہوں نے کہا کہ پنجاب حکومت کرپشن کے خاتمہ کیلئے زیرو ٹالرنس پالیسی پر عمل پیرا ہے۔ ریونیو کے حوالے سے عوام کی شکایات کے ازالے کیلئے مذید اصلاحات کی جا رہی ہیں۔ انہوں نے کہا کہ ضلع منڈی بہاﺅالدین کے دیہی علاقوں میں قائم کئے گئے دیہی مرکز مال پر شہری فرد ریکارڈ، ضمانت ، بجلی و گیس کنکشن کیلئے ضلعی ہیڈکوارٹر جانے کی بجائے متعلقہ کانونگوئی ، پٹوار سرکل سے حاصل کرتے تھے لیکن اب وہ اپنے علاقے کی دہلز پر ہی ہر قسم کی زمینوں اور جائیدادوں کے انتقالات کی سہولیات حاسل کر سکتے ہیں۔
بعد ازاں ڈپٹی کمشنر نے پھالیہ میں گرداوری آن لائن سسٹم کا بھی معائنہ کیا اوروہاں پر فصلوں کی ڈیجیٹل گرداوری کے آن لائن عمل کا جائزہ لیا۔ علاقہ گرداور نے فصل کی گرداوری رپورٹ ڈیجیٹل گرداوری موبائل ایپ کے ذریعے موقع پر اپ لوڈ کی۔ اس موقع پر انہوں نے کہا کہ ڈیجیٹل گرداوری سے نا صرف فصلوں کو ڈیٹا بیس تیار ہو گا بلکہ وقت ضرورت یہ ڈیٹا دیگر مقاصد کیلئے بھی نا صرف بروئے کار لایا جا سکے گا بلکہ مالکان و حقداران زمین کے شناختی کارڈ کے اندراج بھی ممکن ہو سکے گا۔