منڈی بہاءالدین میں جاری ترقیاتی کام رک گئے، کام جاری کروانے کیلئے مزید فنڈز درکار

پنجاب اسمبلی سے منتخب خاتون ممبر حمیدہ وحید الدین نے اپنے آفیشل فیس بک پیج پر پوسٹ کی جس میں انہوں نے کہا کہ مندرجہ ذیل سڑک اور پل کے لئے جو فنڈز سابقہ حکومت نے افتتاح کرنے کی خاطر جاری کروائے تھے، وہ ختم ہو چکے ہیں۔ پتہ کروانے پر مجھے کہا گیا کہ مندرجہ ذیل سڑک اور پل کے کام کو جاری رکھنے کے لئے فنڈز جاری کروائیں۔

منڈی بہاءالدین ( ایم.بی.ڈین نیوز 11 مئی 2022) کنگ روڑ تا ست سرا چوک ڈبل سڑک جس کی لمبائی تقریبا 1 کلو میٹر ہے اس کے لئے 5 کروڑ روپے کے فنڈر درکار ہیں. ست سرا چوک تا پی ایس او پٹرول پمپ، نزد ریلوے پھاٹک سٹی منڈی بہاءالدین ڈبل سڑک جس کی لمبائی تقریبا 3.25 کلو میٹر بنتی ہے اس کے لئے 24 کروڑ 40لاکھ روپے کے فنڈز درکار ہیں.

سٹی منڈی بہاءالدین تا سرائے عالمگیر کینال پل مین جی ٹی روڑ براستہ رسول گائوں ڈبل سڑک جس کی لمبائی تقریبا 19.50 کلو میٹر بنتی ہے اسکے لئے 15 کروڑ روپے کے فنڈز درکار ہیں. آر کیو کینال نزد چک بساوا تا چیلیانوالہ ریلوے اسٹیشن روڑ پل کی تعمیر جس کی لمبائی تقریبا 550 RFT بمعہ 997 RFT بنتی ہے کیلئے 15 کروڑ روپے کے فنڈز درکار ہیں.

ہیلاں کینال پل مرالہ تا رسول پور براستہ مکھنانوالی کارپٹ روڑ جس کی لمبائی تقریبا 8.85 کلو میٹر بنتی ہے کیلئے 10 کروڑ روپے جبکہ رسول بیران تا مانو چک کینال پل منسلکہ مین کینال کارپٹ روڑ جس کی لمبائی تقریبا 30.50 کلو میٹر بنتی ہے کی تعمیر کیلئے 52 کروڑ 70 لاکھ روپے کے فنڈز درکار ہیں.