ملک بھر کے صارفین کے لیے بجلی کی قیمتوں میں ایک روپے 75 پیسے فی یونٹ کمی کا امکان ہے۔ CPPA نے سہ ماہی ایڈجسٹمنٹ کے لیے درخواست دائر کی ہے۔
یہ درخواست مالی سال 2024-25 کی چوتھی سہ ماہی میں دائر کی گئی تھی۔ منظوری کی صورت میں صارفین کو 53.39 ارب روپے سے زائد کا ریلیف ملے گا۔ سہ ماہی ایڈجسٹمنٹ کا اطلاق کے الیکٹرک سمیت سرکاری ڈسکوز پر بھی ہوگا۔
نیپرا سی پی پی اے کی درخواست پر 4 اگست کو سماعت کرے گا۔ ستمبر، اکتوبر اور نومبر کی ایڈجسٹمنٹ کی منظوری دی گئی تو ریلیف میں مزید اضافہ ہو سکتا ہے۔ ستمبر، اکتوبر اور نومبر کے لیے فی یونٹ 2.10 روپے تک کا ریلیف ملے گا۔
نیپرا درخواست کی سماعت کے بعد قیمتوں سے متعلق حتمی فیصلہ کرے گی۔