پاکستان میں مبینہ منی لانڈرنگ کیس میں طلبی کے باوجود پیش نہ ہونے والی ٹک ٹاکرحریم شاہ ان دنوں سعودی عرب میں موجود ہیں جہاں انہوں نے شوہرکے ہمراہ ادائیگی عمرہ کی سعادت بھی حاصل کی۔
حریم جہاں کہیں بھی ہوں، سوشل میڈیا پلیٹ فارمزپر مداحوں اور فالوررز کو اپنی سرگرمیوں سے باخبررکھتی ہیں۔ ادائیگی عمرہ کے دوران بھی حریم پاک سرزمین کے پُرنورمناظرشیئرکرتی رہیں اور شوہرکے ساتھ ٹک ٹاک ویڈیوزبھی بنائیں.
یہ بھی پڑھیں: حریم شاہ نے بے ہودہ گفتگو کرنے پر مفتی قوی کو تھپڑ جڑ دیا، ویڈیو وائرل
ویڈیوز میں بلال شاہ کو دیکھنے والے بیشترافراد نے سوال اٹھایا کہ انہوں نے سرکے بال منڈوائے یا کٹوائے نہیں جس پرحریم شاہ کی جانب سے وضاحت سامنے آئی ہے۔
انسٹاگرام پرشیئرکیے جانے والے ویڈیو پیغام میں حریم کا کہنا ہے کہ بلال اس سے قبل بھی 2 بارعمرے کی سعادت حاصل کرچکے ہیں اور پہلے عمرہ میں سرمنڈوانا لازمی ہوتا ہےسو وہ پہلے ٹنڈ کرواچکے تھے
حریم نے مسجدالحرم سے ایک اور ویڈیو بھی شیئرکی جس میں مداح خاتون کی جانب سے انہیں تحفہ دیا جارہا ہے۔
حکومتی ایوانوں تک رسائی پانے اور مشہور سیاستدانوں کے ساتھ تصاویر سے شہرت پانے والی حریم شاہ اردو فلکس کی ویب سیریز رازسے او اوٹی ٹی پلیٹ فارم پر انٹری دی چکی ہیں۔ حریم نے28 جون 2021 کوشناخت ظاہرکیے بغیر پی پی رہنما سے شادی کرنے کا بھی دعویٰ کیا تھا.
بعد ازاں انہوں نے اپنے شوہر بلال کا تعارف کروایا جو پارٹی کارکن کے طورپرسامنے آئے۔ حریم نے چیئرمین پی پی بلاول بھٹو زرداری اور شریک چیئرمین آصف علی زرداری کے ساتھ اپنے شوہر کی تصاویر شیئر کرتے ہوئے کہا تھا کہ میرے شوہر ان دونوں کے بیحد قریب ہیں