ڈپٹی کمشنر عثمان خالد خان کی ہدایت پر ضلع بھر میں کھادوں کی غیر قانونی ذخیرہ اندوزی اور گراں فروشی کرنے والوں کے خلاف ایکشن جاری ہے۔ اسسٹنٹ کمشنرز، ڈپٹی ڈائریکٹر زراعت اور ریونیو سٹاف کے مختلف گوداموں پر چھاپے۔
منڈی بہاوالدین(ایم.بی.ڈین نیوز یکم جون 2022 ) ذخیرہ اندوزوں سے یوریا کھاد کے850 تھیلے قبضہ میں لے کر سرکاری نرخوں پر ملکیت کے حساب سے کسانوں کو سیل کر دئیے گئے۔ڈپٹی کمشنر نے متعلقہ افسران کو ہدایت کی ہے کہ کھادوں کی سمگلنگ اور غیر قانو نی زخیرہ اندوزی کی روک تھا م کیلئے تمام تر وسائل بروکار لائے جا ئیں۔
یہ بھی پڑھیں: حکومت نے کھاد کی قیمت میں389 روپے کمی کا نوٹیفکیشن واپس لے لیا
انہوں نے کہا کہ غیر قانونی گودام مالکان اور ذخیرہ اندوزوں کے ساتھ آہنی ہاتھوں سے نمٹا جائے گااور اس سلسلے میں کسی قسم کی کوتاہی ہرگز برداشت نہیں کی جائے گی۔ تمام ڈیلرز کھادوں کی فروخت سرکاری نرخوں پر کریں اور اس کا مکمل ریکارڈ رکھیں۔