Mbdin News منڈی بہاؤالدین نیوز

Tag: گوجرانوالہ

  • آئی جی پنجاب نے 23 افسران و اہلکاروں کو تعریفی اسناد اور نقد انعامات سے نوازا

    آئی جی پنجاب نے 23 افسران و اہلکاروں کو تعریفی اسناد اور نقد انعامات سے نوازا

    بہترین کارکردگی کا مظاہرہ کرنے والے افسران اور اہلکاروں کے اعزاز میں سنٹرل پولیس آفس میں تقریب۔ آئی جی ڈاکٹر عثمان انور نے منڈی بہاءالدین، سیالکوٹ، گوجرانوالہ، ٹوبہ ٹیک سنگھ کے 23 افسران و اہلکاروں کو تعریفی اسناد اور نقد انعامات سے نوازا۔

    آئی جی پنجاب ڈاکٹر عثمان انور نے پولیس ٹیموں کو بہترین کارکردگی پر مبارکباد دیتے ہوئے مزید جانفشانی سے فرائض سرانجام دینے کی ہدایت کی اور کہا کہ بہترین کارکردگی کا مظاہرہ کرنے والے افسران و اہلکاروں کی حوصلہ افزائی کی اچھی روایت جاری رہے گی۔

    سنگین وارداتوں میں ملوث مجرموں کے خلاف کارروائیوں میں مزید تیزی لائی جائے جبکہ جرائم کی بیخ کنی کے لیے انٹیلی جنس کی بنیاد پر سرچ اینڈ سویپ آپریشنز جاری رکھے جائیں۔ انہوں نے ہدایت کی کہ خطرناک جرائم پیشہ افراد، منشیات فروشوں اور منظم جرائم کے خاتمے کے لیے ٹارگٹڈ آپریشنز جاری رکھے جائیں اور شہریوں کو بہترین ماحول میں خدمات فراہم کرکے سیکیورٹی کی فضا کو مزید بہتر بنایا جائے۔

    ڈاکٹر عثمان انور نے سنٹرل پولیس آفس میں ہیڈ کانسٹیبل شاہد سلیمی سے ملاقات کے دوران بیساکھی میلے میں آنے والے سکھ یاتریوں کو دلکش انداز میں اپنی صوفیانہ شاعری سے دل جیتنے اور پاکستان کے مثبت امیج کو اجاگر کرنے پر سراہا۔

  • ایف آئی اے نے منڈی بہاءالدین سے انسانی سمگلنگ میں ملوث سمگلر کو گرفتار کر لیا

    ایف آئی اے نے منڈی بہاءالدین سے انسانی سمگلنگ میں ملوث سمگلر کو گرفتار کر لیا

    ڈائریکٹر جنرل ایف آئی اے پاکستان رفعت مختار راجہ کی خصوصی ہدایات پر گوجرانوالہ زون میں انسانی سمگلروں کے خلاف کریک ڈاؤن تیز کر دیا گیا ہے۔ زون کے تمام اضلاع منڈی بہاءالدین، گجرات، گوجرانوالہ، سیالکوٹ اور نارووال میں سمگلروں کے گرد گھیرا مزید سخت کر دیا گیا ہے۔

    ایف آئی اے گجرات سرکل کے ڈپٹی ڈائریکٹر بلال طارق کی سربراہی میں ایف آئی اے کی ٹیم نے کامیاب کارروائی کرتے ہوئے منڈی بہاءالدین میں چھاپہ مار کر بدنام زمانہ انسانی سمگلر گلزار کو گرفتار کر لیا۔ گرفتار ملزم کو ایف آئی اے گجرات تھانے منتقل کر کے تفتیش شروع کر دی گئی ہے۔

    ایف آئی اے ترجمان کے مطابق ملزم گلزار نے منڈی بہاؤالدین کے گاؤں پنڈی لالہ کے رہائشی نوجوان ارسلان ارشد سے اسپین بھجوانے کے بہانے 45 لاکھ روپے بٹورے۔ گلزار نوجوانوں کو یورپ کے سنہرے خواب دکھا کر لاکھوں روپے بٹور کر غائب ہو جاتا۔ ملزم ایف آئی اے کو مقدمہ نمبر 120/25 میں مطلوب تھا۔

  • منڈی بہاءالدین میں 375.820 ملین روپے کی اسکیم کی منظوری

    منڈی بہاءالدین میں 375.820 ملین روپے کی اسکیم کی منظوری

    کمشنر گوجرانوالہ ڈویژن سید نوید حیدر شیرازی کی زیر صدارت ڈویژنل ڈویلپمنٹ ورکنگ پارٹی کے اجلاس میں ضلع سیالکوٹ کی پبلک ہیلتھ، سیوریج اور پی سی سی کی دو اور منڈی بہاؤالدین کی ایک سکیم کی منظوری دی گئی

    ان منصوبوں پر کل اخراجات کا تخمینہ 1135.828 ملین روپے لگایا گیا ہے۔ اجلاس میں ڈائریکٹر ڈویلپمنٹ محمد عبدالرؤف اور پبلک ہیلتھ کے افسران نے شرکت کی۔ ڈپٹی کمشنر سیالکوٹ محمد ذوالقرنین اور ڈپٹی کمشنر منڈی بہاؤالدین ڈاکٹر فیصل سلیم نے ویڈیو لنک کے ذریعے کنکٹ رہے.

    کمشنر سید نوید حیدر شیرازی نے بتایا کہ جن سکیموں کی منظوری دی گئی ہے ان میں ضلع سیالکوٹ میں صحت عامہ کی 5 سکیموں پر 760 ملین روپے جبکہ منڈی بہاءالدین میں ایک سکیم پر 375.820 ملین روپے خرچ ہوں گے۔

  • پنجاب کے مختلف اضلاع میں مارکیٹیں رات 8 بجے بند کرنے کا حکم

    پنجاب کے مختلف اضلاع میں مارکیٹیں رات 8 بجے بند کرنے کا حکم

    صوبہ پنجاب میں سموگ کے باعث مختلف اضلاع میں دکانیں بند کرنے کے نئے اوقات کار جاری کر دیے گئے ہیں۔ صوبائی حکومت نے نوٹیفکیشن بھی جاری کر دیا۔

    لاہور، فیصل آباد، ملتان اور گوجرانوالہ میں مارکیٹیں اور شاپنگ مالز بند کرنے کے عدالتی فیصلے پر عملدرآمد آج سے شروع ہو گا۔ چاروں اضلاع میں 17 نومبر تک دکانیں رات 8 بجے بند رہیں گی۔ تاہم فارمیسی، میڈیکل سٹورز، لیبارٹریز، ویکسی نیشن مراکز مستثنیٰ ہوں گے۔

    نوٹیفکیشن میں کہا گیا ہے کہ بیرونی کھیلوں کے ایونٹس، نمائشوں سمیت تمام بیرونی سرگرمیوں پر پابندی ہوگی۔ باہر ریسٹورانوں اور اجتماعات پر بھی پابندی عائد کر دی گئی ہے۔ خلاف ورزی پر پنجاب انوائرمنٹل پروٹیکشن ایکٹ کے تحت کارروائی کی جائے گی۔ پابندی کا اطلاق آج سے 17 نومبر تک رہے گا۔

    فارمیسیز، میڈیکل اسٹورز، لیبارٹریز، ویکسی نیشن سینٹرز، آئل ڈپو، تندور، بیکریاں، گروسری اسٹورز، سبزیوں اور پھلوں کی دکانیں مستثنیٰ ہوں گی۔ گوشت کی دکانیں، ای کامرس پوسٹل، کورئیر سروسز اور یوٹیلیٹی سروسز بھی مستثنیٰ ہوں گی۔ بڑے ڈپارٹمنٹ اسٹورز صرف اپنے گروسری فارمیسی سیکشن کو کھلا رکھ سکتے ہیں۔ خلاف ورزی پر ملزمان کے خلاف سخت کارروائی کی جائے گی۔

    سیکرٹری ٹرانسپورٹ اینڈ ماس ٹرانزٹ احمد جاوید قاضی نے اپنے ایک بیان میں کہا کہ محکمہ ٹرانسپورٹ و ماسٹرانزٹ پنجاب نے ماحول کو آلودہ کرنے والی گاڑیوں کے خلاف حتمی کارروائی کا فیصلہ کیا ہے اور اب پبلک ٹرانسپورٹ کے بعد ماحولیاتی آلودگی کا باعث بننے والی پرائیویٹ گاڑیوں کے خلاف بھی سخت ایکشن لیا جائے گا۔

    انہوں نے واضح کیا کہ محکمہ ٹرانسپورٹ اور ماسٹر ٹرانزٹ نے نجی گاڑیوں کے مالکان کو 7 دن کا الٹی میٹم دیا ہے کہ وہ اپنی دھواں چھوڑنے والی گاڑیوں کی فوری سروس یقینی بنائیں بصورت دیگر بھاری چالان کیا جائے گا۔ شہری اپنے فون سے 15 اور ایکسٹینشن 6 پر کال کرکے دھواں چھوڑنے والی گاڑیوں کی اطلاع دے سکتے ہیں۔ کیونکہ انسانی جانوں کے لیے خطرہ بننے والی گاڑیوں کو سڑکوں پر مزید برداشت نہیں کیا جا سکتا۔

  • فنڈز جاری ہونے کے باوجود منڈی بہاؤالدین میں ترقیاتی منصوبے تاخیر کا شکار

    فنڈز جاری ہونے کے باوجود منڈی بہاؤالدین میں ترقیاتی منصوبے تاخیر کا شکار

    گوجرانوالہ ڈویژن میں زیر التواء نئے اور پرانے ترقیاتی منصوبوں کو مقررہ مدت میں مکمل کرنے کا حکم دیا اور متعلقہ اداروں سے زیر التواء ترقیاتی منصوبوں کا ریکارڈ بھی طلب کر لیا۔

    گوجرانوالہ، سیالکوٹ، گجرات، منڈی بہاؤالدین، حافظ آباد اور نارووال کے ڈپٹی کمشنرز اور ترقیاتی اداروں کے سربراہان کو منصوبے بروقت مکمل کرنے کے لیے ٹاسک تفویض کیے گئے ہیں۔

    گوجرانوالہ، سیالکوٹ، گجرات، منڈی بہاؤالدین، حافظ آباد اور نارووال میں اس وقت وفاقی اور صوبائی محکموں سے منظور شدہ سینکڑوں ترقیاتی سکیمیں تکمیل کے مراحل میں ہیں، جن پر اربوں روپے خرچ کیے جا رہے ہیں۔ زیادہ تر منصوبے سڑکوں، گلیوں، سکولوں، قبرستانوں، سیوریج، نکاسی آب، پانی کی فراہمی کے ہیں۔

    موصول ہونے والی اطلاعات کے مطابق صوبائی حکومت کی جانب سے فنڈز کے اجراء کے باوجود بیشتر منصوبے تاخیر کا شکار ہو رہے ہیں جس کا حکومت نے سخت نوٹس لیا ہے۔ اس سلسلے میں افسران سے وضاحت طلب کی گئی کہ منصوبوں میں تاخیر کی کیا وجوہات ہیں۔

  • کٹھیالہ: سسرالیوں کے تشدد سے نئی نویلی دلہن جاں بحق

    کٹھیالہ: سسرالیوں کے تشدد سے نئی نویلی دلہن جاں بحق

    منڈی بہاؤالدین: کٹھیالہ شیخاں میں سسرالیوں کے مبینہ تشدد سے نئی نویلی دلہن جاں بحق ہو گئی، پولیس

    گوجرانوالہ کی 19سالہ مناہل کی شادی 4ماہ قبل منڈی بہاءالدین کے علاقہ کٹھیالہ شیخاں میں ہوئی تھی. ناچاقی کی وجہ سے گھر میں جھگڑا رہتا تھا اور تشدد کرتے تھے۔ تلخ کلامی کے بعد خاوند نے گلے میں پھندہ ڈال کر قتل کردیا۔والدہ کی میڈیا سے بات چیت.

    میری بیٹی کو ساس، نند ویگر اہل خانہ نے مل کر قتل کیا ہے، متاثرہ خاتون. پولیس مقدمہ درج کرنے کے باوجود ملزمان کو گرفتار نہیں کر رہی۔ ایک ہفتہ سے گوجرانوالہ سے بار بار چکر لگا رہے ہیں۔شنوائی نہیں ہورہی۔ماں کی میڈیا سے بات چیت.

    مرکزی ملزم گرفتار ہے،باقی ملزمان ضمانت پر ہیں،منسوخ ہونے پرگرفتارکرلیں گے، پولیس کا بیان

  • محکمہ موسمیات نے بارشوں کی پیش گوئی کرتے ہوئے گندم کی فصل کے لیے الرٹ جاری کر دیا

    محکمہ موسمیات نے بارشوں کی پیش گوئی کرتے ہوئے گندم کی فصل کے لیے الرٹ جاری کر دیا

    راولپنڈی اسلام آباد کے مختلف علاقوں میں موسلا دھار بارش اور ژالہ باری سے دن میں رات کا سماں بن گیا۔ اسلام آباد کے مختلف علاقوں میں موسلا دھار بارش اور ژالہ باری سے گرمی کی شدت میں کمی آئی۔ راولپنڈی کے مختلف علاقوں میں موسلا دھار بارش ریکارڈ کی گئی۔

    شمالی بلوچستان، بالائی خیبرپختونخوا کے مختلف علاقوں میں بارش کا امکان ہے۔ بالائی پنجاب میں مختلف مقامات پر بارش کا امکان ہے۔آزاد کشمیر اور گلگت بلتستان میں چند مقامات پر بارش کی پیشگوئی کی گئی ہے۔ جبکہ بالائی سندھ میں موسم گرم رہنے کا امکان ہے۔

    مارکیٹ میں گندم کی قیمت 3000 روپے فی من سے نیچے آگئی

    مری، گلیات، گجرات، گوجرانوالہ، لاہور، سیالکوٹ اور نارووال میں چند مقامات پر گرج چمک کے ساتھ بارش کی بھی پیش گوئی کی گئی ہے۔محکمہ موسمیات نے اٹک، جہلم، چکوال، بھکر، میانوالی، خوشاب، نور پور تھل، سرگودھا، منڈی بہاؤالدین، فیصل آباد، ڈیرہ غازی خان، ملتان، ساہیوال، خانیوال، لیہ اور بہاولپور میں بارش کی پیش گوئی کی ہے۔

  • منڈی بہاؤالدین میں سورج مکھی کی کاشت کا وقت 25 جنوری سے فروری کے آخر تک مقرر

    منڈی بہاؤالدین میں سورج مکھی کی کاشت کا وقت 25 جنوری سے فروری کے آخر تک مقرر

    فیصل آباد: سورج مکھی کی کاشت کا موسم بہار کا شیڈول جاری کر دیا گیا ہے۔ جبکہ محکمہ زراعت کی جانب سے پنجاب میں سورج مکھی کی کاشت کے منصوبے کے تحت صوبے کو تین حصوں میں تقسیم کیا گیا ہے۔

    محکمہ زراعت کے ترجمان نظام زرعی اطلاعات نے بتایا کہ ماہرین زراعت، سائنسدانوں، برآمد کنندگان، کسان تنظیموں کی مشاورت سے پنجاب کے اضلاع میں موسم بہار کا شیڈول جاری کیا گیا ہے۔ جس کے پہلے حصے میں بہاولپور، رحیم یار خان، خانیوال، ملتان، وہاڑی اور بہاولنگر شامل ہیں۔ جس میں سورج مکھی کی کاشت کا وقت یکم جنوری سے 31 جنوری تک مقرر کیا گیا ہے۔

    انہوں نے بتایا کہ دوسرے حصے میں مظفر گڑھ، ڈیرہ غازی خان، لیہ، لودھراں، راجن پور اور بھکر شامل ہیں جہاں سورج مکھی کی کاشت کا وقت 10 جنوری سے 10 فروری تک مقرر کیا گیا ہے۔ میانوالی، سرگودھا، خوشاب، جھنگ، ساہیوال، اورکاڑہ، فیصل آباد، سیالکوٹ،گوجرانوالہ، لاہور، منڈی بہاؤالدین،قصور، شیخوپورہ، ننکانہ صاحب، اٹک، نارووال، راولپنڈی، گجرات، چکوال میں سورج مکھی کی کاشت کا وقت 25 جنوری سے فروری کے آخر تک مقرر کیا گیا ہے۔

    انہوں نے کہا کہ سورج مکھی کی زیادہ پیداوار حاصل کرنے کے لیے مناسب وقت پر کاشت کرنا بہت ضروری ہے۔ کیونکہ دیر سے لگائے گئے سورج مکھی سے پیداوار کم ہو جاتی ہے۔

  • منڈی بہاءالدین میں‌سب سے زیادہ 80 ملی میٹر بارش ریکارڈ کی گئی

    منڈی بہاءالدین میں‌سب سے زیادہ 80 ملی میٹر بارش ریکارڈ کی گئی

    پاکستان بھر کے شہری علاقوں میں جمعہ کو ہونے والی بارشوں نے سیلاب، بڑے پیمانے پر ٹریفک جام اور بجلی کی بندش سے معمولات زندگی درہم برہم کر دیے۔

    بالائی اور زیریں کیچمنٹ کے علاقوں میں نمایاں بارش نے بڑے دریاؤں کے بہاؤ میں بھی اضافہ کیا۔ چونکہ موجودہ گیلے سپیل میں مختلف شدت کی مزید بارشوں کی توقع ہے، ڈیرہ غازی خان اور بلوچستان کے ملحقہ علاقوں میں بڑے دریاؤں، ان کی معاون ندیوں اور پہاڑی ندی نالوں میں نمایاں سیلاب آنے کا امکان ہے۔

    یہ بھی پڑھیں: پنجاب میں مزید 2 روز مون سون کی بارشیں جاری رہنے کا امکان، پی ڈی ایم اے

    گزشتہ روز چکوال میں 93 ملی میٹر بارش ریکارڈ کی گئی۔ جبکہ منڈی بہاؤالدین 80، سرگودھا 31، حافظ آباد 29، لاہور (قرطبہ چوک 28، اقبال ٹاؤن 18، گلشن راوی 17، لکشمی چوک اور سمن آباد 16 چوک، چوک ناخدا 15، فرخ آباد 09، ایئر پورٹ 06، شاہ پور 06، شاہ پور 03، خانیوال 11، جھنگ 06، راولپنڈی (کچہری 05)، گوجرانوالہ 04، لیہ، قصور اور منگلا 03، اسلام آباد (ایئرپورٹ 06، بوکرہ 02، سید پور، گولڑہ 01) اور جہلم میں 02 ملی میٹر بارش ریکارڈ کی گئی۔

    اسی طرح بدین 56، تھرپارکر (اسلام کوٹ 10، چھاچھرو 02)، سکرنڈ 06، مٹھی 04، میرپور خاص 03، چھور 02، حیدرآباد، ٹھٹھہ اور کراچی میں 01 ملی میٹر بارش ریکارڈ کی گئی۔ خیبرپختونخوا: بالاکوٹ 50، دیر 32، پتن 23، مالم جبہ 18، کاکول 11، سیدو شریف 03 اور چراٹ 01۔

    کشمیر: مظفر آباد (سٹی 36، ایئرپورٹ 30)، گڑھی دوپٹہ 13 اور راولاکوٹ میں 03 ملی میٹر بارش ریکارڈ کی گئی۔ گلگت بلتستان: بگروٹ 06، استور 03، سکردو 02 اور بونجی 01 جبکہ بلوچستان: قلات میں 01 ملی میٹر بارش ریکارڈ کی گئی۔

  • بیرون ملک مفرور اشتہاری مجرموں کی گرفتاری کے لیے پولیس کا کریک ڈاؤن تیز

    بیرون ملک مفرور اشتہاری مجرموں کی گرفتاری کے لیے پولیس کا کریک ڈاؤن تیز

    انسپکٹر جنرل ڈاکٹر عثمان انور کی خصوصی ہدایات پر پنجاب پولیس نے بیرون ملک فرار ہونے والے خطرناک اشتہاریوں کی گرفتاری کے لیے کریک ڈاؤن تیز کر دیا ہے۔

    پولیس حکام کے مطابق پنجاب پولیس نے رواں سال سنگین جرائم کا ارتکاب کرتے ہوئے فرار ہونے یا بیرون ملک فرار ہونے کی کوشش کرنے والے 86 اشتہاریوں کو گرفتار کیا۔ بیرون ملک روانگی کے لیے ایئرپورٹ سے گرفتاری کے ساتھ ساتھ مذکورہ ملزمان کو انٹرپول کی مدد سے 22 ممالک سے گرفتار کیا گیا۔

    پولیس حکام کا کہنا ہے کہ ملزمان کو امریکا، برطانیہ، سویڈن، آسٹریلیا، فرانس، یونان، ترکی، اٹلی، جاپان، جنوبی افریقہ، اسپین اور پرتگال سے گرفتار کرکے پاکستان لایا گیا۔ ابوظہبی، بحرین، دبئی، ایران، کویت، مسقط، عمان، سعودی عرب، شارجہ اور متحدہ عرب امارات سے بھی درجنوں اشتہاریوں کو گرفتار کیا گیا۔

    منڈی بہاءالدین پولیس کو مطلوب اشتہاری ملزم عمان سے گرفتار

    پولیس کا کہنا ہے کہ ملزمان میں سے 21 کو سیالکوٹ، 12 کو گوجرانوالہ، 11 کو گجرات، 11 کو وزیر آباد، 5 کو نارووال، 5 کو منڈی بہاؤالدین اور 5 کو سرگودھا سے گرفتار کیا گیا جبکہ باقی دیگر اضلاع سے پولیس کو مطلوب تھے۔ یہ تمام افراد اشتہاری قتل، اقدام قتل، اغوا برائے تاوان سمیت سنگین جرائم کے ارتکاب کے بعد کئی سالوں سے مفرور تھے۔

    حکام کے مطابق پنجاب پولیس نے انٹرپول، ایف آئی اے اور دیگر ممالک کی پولیس اور قانونی اداروں کی مدد سے اشتہاریوں کو گرفتار کر کے پاکستان لایا ہے۔ آئی جی پنجاب نے سنگین وارداتوں میں ملوث خطرناک اشتہاریوں کے گرد گھیرا تنگ کرنے کی ہدایت کی ہے۔

    آئی جی پنجاب ڈاکٹر عثمان انور نے ہدایت کی ہے کہ اے کیٹیگری کے اشتہاریوں کا تعاقب جاری رکھا جائے۔ ملزمان کو گرفتار کر کے قرار واقعی سزا دی جائے۔ اشتہاری مجرموں کے پاسپورٹ منسوخ کیے جائیں۔ انٹرپول اور ایف آئی اے سمیت دیگر ادارے جلد از جلد گرفتار کریں۔