ڈسٹرکٹ پولیس آفیسر منڈی بہائوالدین وسیم ریاض خان کی ہدایت پر ٹریفک قوانین کی آگاہی مہم کا آغاز. منڈی بہاءالدین میں ٹریفک قوانین کی آگاہی کے لیے مختلف مقامات پر سائن بورڈز لگائے گئے.
منڈی بہاؤالدین: ڈی پی او وسیم ریاض خان کی خصوصی ہدایت پر ٹریفک پولیس نے ضلع بھر کی شاہراہوں پر ٹریفک قوانین سے متعلق آگاہی مہم شروع کر دی ہے۔ اس مہم کے تحت مختلف مقامات پر آگاہی سائن بورڈز نصب کیے جا رہے ہیں جن پر کم عمر ڈرائیونگ کی حوصلہ شکنی، ہیلمٹ کے استعمال کی اہمیت، اور ٹریفک قوانین کی پابندی سے متعلق ہدایات درج ہیں۔
ڈی پی او وسیم ریاض خان کا کہنا ہے کہ ٹریفک حادثات کی بڑی وجوہات میں قوانین سے لاعلمی، کم عمری میں ڈرائیونگ، اور تیز رفتاری شامل ہیں۔ انہوں نے کہا کہ ضلعی پولیس نے عوام میں شعور اجاگر کرنے اور حادثات کی روک تھام کے لیے عملی اقدامات کا آغاز کر دیا ہے۔
عوام الناس ٹریفک قوانین کی پاسداری کو یقینی بنائیں اور اپنے ساتھ دوسروں کی زندگیوں کا بھی تحفظ کریں.
