Tag: چیلیانوالہ

چیف سیکرٹری پنجاب زاہد اختر زمان نے ضلع منڈی بہاوالدین میں ”اب گاوں چمکیں گے“ پروگرام کا باقاعدہ افتتاح کر دیا۔ چیف سیکرٹری نے نواحی گاﺅں چیلیانوالہ میں پروگرام کا باقاعدہ آغاز کیا۔ اس موقع پر کمشنر گوجرانوالہ نوید حیدر شیرازی ،ڈپٹی کمشنر شاہد عمران مارتھ، ڈسٹرکٹ پولیس آفیسر رضا صفدر کاظمی اور دیگر متعلقہ افسران بھی موجود تھے۔

منڈی بہاوالدین ( ایم.بی.ڈین نیوز 28 اگست 2023) چیف سیکرٹری پنجاب زاہد اختر زمان کا کہنا تھا کہ “اب دیہات چمکیں گے”حکومت پنجاب کا دیہات کے لوگوں کیلئے ایک انقلابی اقدام ہے۔ان کا کہنا تھا کہ ”اب گائوں چمکیں گے“ پروگرام کے تحت پنجاب کی تاریخ میں پہلی بار دیہات کو بھی شہروں کی طرز پر صفائی کا عملہ اورسہولیات فراہم کی جائیں گی۔

پروگرام کو کامیاب بنانے کیلئے مقامی افراد پر مشتمل ویلیج کمیٹیاں بنائی جائیں گی۔ گائوں کی کمیٹیاں پروگرام پر عملدرآمد کو یقینی بنائیں گی اور کوڑا تلف کرنے کیلئے مقامی افراد کی مشاورت سے مقامات کا تعین ہوگا۔ دیہات کی صفائی کیلئے یونین کونسل کی سطح پر جدید مشینری مہیا کی جائیگی۔ پروگرام سے دیہات کا سب سے بڑا صفائی اور سینی ٹیشن کا مسئلہ حل گا اور گندگی سے پھیلنے والی بیماریوں کا تدارک ہوگا۔

منڈی بہاوالدین کا ایک اور اعزاز، زاہد اختر زمان چیف سیکرٹری پنجاب تعینات

پروگرام کے تحت گلیوں اور نالیوں کی باقاعدگی سے صفائی کو یقینی بنایا جائے گا۔ اب گائوں چمکیں گے پروگرام سے گندگی سے پھیلنے والی بیماریوں کا تدارک ہوگا۔ کوڑا تلف کرنے کے لیے مقامی افراد کی مشاورت سے مقامات کا تعین کیا جائیگا۔ چیف سیکرٹری نے عوام الناس سے اپیل کی کہ وہ پنجاب حکومت کے اس پروگرام کو کامیاب بنانے میں ضلعی انتظامیہ کا ساتھ دیں۔

چیف سیکرٹری پنجاب زاہد اختر زمان نے ضلع منڈی بہاوالدین کی مختلف ترقیاتی سکیمیں امرہ تا شاہنہ لوک سڑک، گورنمنٹ ایسوسی ایٹ گرلز کالج و گرلزسکول، چیلیانوالہ سیوریج سمیت دیگر ترقیاتی سکمیوں کا جائزہ لیا اور ضروری ہدایات جاری کیں۔ بعد ازاں انہوں نے شجرکاری مہم کے تحت پودا لگایا اور مہم کی کامیابی کیلئے دعا بھی کی۔