Mbdin News منڈی بہاؤالدین نیوز

Tag: اٹک

  • پھالیہ کے رہائشی ملزم زاہد اشرف کے قبضے سے 520 گرام آئس برآمد

    پھالیہ کے رہائشی ملزم زاہد اشرف کے قبضے سے 520 گرام آئس برآمد

    ڈسٹرکٹ پولیس آفیسر اٹک ڈاکٹر سردار غیاث گل خان کی خصوصی ہدایات پر اٹک پولیس منشیات فروشوں کے خلاف مسلسل کارروائیاں کر رہی ہے۔

    تھانہ اٹک خورد پولیس نے تین منشیات فروشوں کو گرفتار کر کے ملزم محمد وحید ولد محمد اسلم سکنہ حاجی شاہ سے 600 گرام چرس، اسماعیل خان ولد خان سید سکنہ خور خیل سے 540 گرام چرس اور زاہدالدین اشرف ولد محمد اشرف سکنہ پھالیہ ضلع منڈی بہاءالدین سے 520 گرام آئس برآمد کر لی۔

    دوسری جانب سٹی اٹک پولیس نے منشیات فروش عبدالرزاق ولد عبدالشکور سکنہ کامرہ تحصیل و ضلع اٹک سے 620 گرام چرس برآمد کر لی۔ اسی طرح پنڈی گھیب پولیس کی ٹیم نے ملزم ذوالفقار احمد ولد محمد اقبال سکنہ حیدر ٹاؤن تحصیل پنڈی گھیب سے 540 گرام چرس برآمد کر لی۔

    سٹی حسن ابدال پولیس نے شراب سپلائی کرنے والوں کے خلاف کارروائی کرتے ہوئے غالب ولد مسیح سکنہ ڈھوک مسکین سے 20لیٹر شراب، عمر شہزاد ولد محمد ریاض سکنہ رحم پورہ حسن ابدال سے 10لیٹر شراب اور محمد شعیب ولد عبد الحسن مہر آباد سے 5لیٹر شراب برآمد کر لی۔ اٹک پولیس نے مختلف تھانوں میں الگ الگ مقدمات درج کر کے ملزمان کو آہنی زیور سے آراستہ کر دیا۔

  • گجرات، منڈی بہاؤالدین، وزیرآباد، حافظ آباد اور ملتان کے لیے گندم 2900 روپے فی من مقرر

    گجرات، منڈی بہاؤالدین، وزیرآباد، حافظ آباد اور ملتان کے لیے گندم 2900 روپے فی من مقرر

    پنجاب حکومت نے صوبے بھر میں گندم کے آٹے کی قیمت مقرر کر دی۔ تمام اضلاع کے لیے گندم کے نجی آٹے کی زیادہ سے زیادہ قیمت مقرر

    لاہور، راولپنڈی کے لیے 20 کلو آٹے کی قیمت 1840، لاہور کے لیے گندم کی قیمت 3000 روپے، راولپنڈی کے لیے 3050 روپے فی من مقرر کی گئی ہے۔ اٹک، جہلم میں 20 کلو آٹے کی قیمت 1820 روپے جبکہ چکوال، قصور، شیخوپورہ میں 1780 روپے مقرر کی گئی ہے۔

    پنجاب کے دیگر اضلاع میں آٹے کے 20 کلو تھیلے کی قیمت 1600 سے 1680 روپے مقرر ہے۔ گجرات، منڈی بہاؤالدین، وزیرآباد، حافظ آباد اور ملتان کے لیے گندم 2900 روپے فی من مقرر

    رحیم یار خان، خوشاب، چنیوٹ، سرگودھا، فیصل آباد اور ٹوبہ ٹیک سنگھ کے لیے گندم کی قیمت 2850 روپے فی من مقرر کی گئی ہے۔ بہاولنگر، لیہ، مظفر گڑھ، راجن پور، بھکر، جھنگ میں گندم 2800 روپے فی من مقرر۔ فورٹیفائیڈ آٹے کی قیمت بھی وہی رہے گی، تبدیلی کرنا جرم ہوگا، نوٹیفکیشن جاری

  • منڈی بہاؤالدین میں سورج مکھی کی کاشت کا وقت 25 جنوری سے فروری کے آخر تک مقرر

    منڈی بہاؤالدین میں سورج مکھی کی کاشت کا وقت 25 جنوری سے فروری کے آخر تک مقرر

    فیصل آباد: سورج مکھی کی کاشت کا موسم بہار کا شیڈول جاری کر دیا گیا ہے۔ جبکہ محکمہ زراعت کی جانب سے پنجاب میں سورج مکھی کی کاشت کے منصوبے کے تحت صوبے کو تین حصوں میں تقسیم کیا گیا ہے۔

    محکمہ زراعت کے ترجمان نظام زرعی اطلاعات نے بتایا کہ ماہرین زراعت، سائنسدانوں، برآمد کنندگان، کسان تنظیموں کی مشاورت سے پنجاب کے اضلاع میں موسم بہار کا شیڈول جاری کیا گیا ہے۔ جس کے پہلے حصے میں بہاولپور، رحیم یار خان، خانیوال، ملتان، وہاڑی اور بہاولنگر شامل ہیں۔ جس میں سورج مکھی کی کاشت کا وقت یکم جنوری سے 31 جنوری تک مقرر کیا گیا ہے۔

    انہوں نے بتایا کہ دوسرے حصے میں مظفر گڑھ، ڈیرہ غازی خان، لیہ، لودھراں، راجن پور اور بھکر شامل ہیں جہاں سورج مکھی کی کاشت کا وقت 10 جنوری سے 10 فروری تک مقرر کیا گیا ہے۔ میانوالی، سرگودھا، خوشاب، جھنگ، ساہیوال، اورکاڑہ، فیصل آباد، سیالکوٹ،گوجرانوالہ، لاہور، منڈی بہاؤالدین،قصور، شیخوپورہ، ننکانہ صاحب، اٹک، نارووال، راولپنڈی، گجرات، چکوال میں سورج مکھی کی کاشت کا وقت 25 جنوری سے فروری کے آخر تک مقرر کیا گیا ہے۔

    انہوں نے کہا کہ سورج مکھی کی زیادہ پیداوار حاصل کرنے کے لیے مناسب وقت پر کاشت کرنا بہت ضروری ہے۔ کیونکہ دیر سے لگائے گئے سورج مکھی سے پیداوار کم ہو جاتی ہے۔

  • پنجاب جیل خانہ جات کی جیلوں میں وارڈرز کی بھرتی کیلئے ٹیسٹ کل سے شروع ہونگے

    پنجاب جیل خانہ جات کی جیلوں میں وارڈرز کی بھرتی کیلئے ٹیسٹ کل سے شروع ہونگے

    پنجاب جیل خانہ راولپنڈی ریجن کی جیلوں میں وارڈرز کی بھرتی کے لیے فزیکل فٹنس اور رننگ ٹیسٹ کل سے شروع ہوں گے۔ ڈی آئی جی جیل خانہ جات راولپنڈی ریجن عبدالرؤف رانا کے مطابق

    راولپنڈی ریجن کی 7 جیلوں، سینٹرل جیل راولپنڈی ،ہائی سیکورٹی بارک راولپنڈی ،ڈسٹرکٹ جیل اٹک ،ڈسٹرکٹ جیل گجرات، ڈسٹرکٹ جیل جہلم ،ڈسٹرکٹ جیل منڈی بہاؤالدین اورسب جیل چکوال میں جیل وارڈز (سکیل 7) کی کل 269 اسامیوں پر بھرتی کے لئے جسمانی پیمائش ،دوڑ میڈیکل ٹیسٹ 2 سے 4 اگست تک ہوں گے.

    ان میں میل وارڈرز کی 267 اور میل وارڈرز کی 2 آسامیاں شامل ہیں۔ انہوں نے کہا کہ پنجاب بھر سے جیل وارڈز کے لیے کل 3407 درخواستیں موصول ہوئیں۔ جانچ پڑتال کے بعد، کل 2,847 امیدواروں کی درخواستیں مطلوبہ معیار پر پوری اتریں۔

    انہوں نے بتایا کہ بھرتی شیڈول کے مطابق 2 سے 4 اگست تک سینٹرل جیل اڈیالہ میں امیدواروں کی جسمانی پیمائش ،دوڑ اورطبی ٹیسٹ ہوں گے ،امیدواروں سے کہا گیا ہے کہ وہ جسمانی پیمائش اوردوڑ کے ٹیسٹ کے لئے صبح 10 بجے اصل شناختی کارڈ لے کر سنٹرل جیل راولپنڈی حاضر ہوں۔

    کامیاب امیدواروں کا تحریری ٹیسٹ سنٹرل ٹیسٹنگ سروس ایجنسی 13 اگست کو ان کے امتحانی مرکز میں لے گا اور بعد ازاں کامیاب امیدواروں کے انٹرویوز 22 اور 23 اگست کو اڈیالہ جیل میں ہوں گے۔