Search results for: “واٹس ایپ”

کیلیفورنیا: پیغام رساں ایپلی کیشن واٹس ایپ اپنے صارفین کے لیے میسج ڈیلیٹ کرنے کا دورانیہ بڑھانے کا فیچر متعارف کرانے کی تیاری کر رہی ہے۔ فیچر متعارف کرائے جانے کے بعد صارفین 60 گھنٹوں کے اندر اپنا بھیجا ہوا میسج ڈیلیٹ کرسکیں گے۔

میٹا کی ذیلی کمپنی میں میسج ڈیلیٹ کرنے کا فیچر2017 میں متعارف کرایا گیا تھا لیکن اس کو ڈیلیٹ کرنے کے لیے صرف 1 گھنٹہ اور 8 منٹ کا وقت میسر تھا۔ واٹس ایپ کی جانب سے یہ قدم رواں برس ایپل کے آئی میسج ایپ میں اس ہی طرح کی تبدیلیاں متعارف کرانے کے بعد اٹھایا گیا ہے۔

یہ بھی پڑھیں: واٹس ایپ نے پیغامات ڈیلیٹ کرنے کی مدت میں اضافہ کردیا

آئی فون صارفین، جن کو اپنی میسجنگ ایپ سے بھیجا گیا میسج ڈیلیٹ کرنے کےلیے 15 منٹ میسر ہوتے ہیں، کی جانب سے واٹس ایپ میں کی گئی ان تبدیلوں کو خوش آمدید کہا جائے گا۔ واٹس ایپ کا ٹوئٹر پیغام میں کہنا تھا ’میسج بھیجتے ہوئے بار بار سوچتے ہیں؟ اب آپ کے پاس اپنے بھیجے گئے میسج کو ڈیلیٹ کرنے کے لیے دو دن سے تھوڑا زیادہ وقت میسر ہوگا۔‘

تاہم، میسج ڈیلیٹ کرنے کے طریقہ کار میں کوئی تبدیلی نہیں کی گئی ہے۔ جس طرح پہلے میسج ڈیلیٹ ہونے کے بعد یہ نوٹی فیکیشن ’یہ میسج ڈیلیٹ کردیا گیا ہے‘ لکھا آتا تھا، وہ بھی ویسے ہی لکھا آئے گا۔

سان فرانسسکو: میسجنگ کی سب سے بڑی سروس، واٹس ایپ کی جانب سے آئے دن نئے فیچر پیش کئے جارہے ہیں جن میں سے ایک تازہ تبدیلی میسج ڈیلیٹ کرنے کا دورانیہ ہے جسے بہت جلد بڑھا دیا جائے گا۔

واٹس ایپ کی خبر دینےوالی مشہور ویب سائٹ واٹس ایب بی ٹا انفو کے مطابق اگرچہ اس وقت کچھ افراد ہی اس فیچر کو استعمال کررہے ہیں تاہم جلد ہی یہ دنیا بھر کے لیے عام دستیاب ہوگی. اگرچہ اس فیچر کی بہت تفصیلات سامنے نہیں آسکی ہیں لیکن بعض تجزیہ کاروں کے مطابق آپ اپنا بھیجا ہوا پیغام 12 گھنٹے سے لے دو دن بعد ڈیلیٹ کرسکیں گے۔

دوسری جانب واٹس ایپ کی مرکزی ’میٹا‘ کمپنی نے بھی اس ضمن میں کوئی خاص معلومات نہیں دی ہے۔ لیکن ڈبلیو اے بی ٹا انفو کی خبریں کئی مرتبہ درست ثابت ہوئی ہیں۔ اس کے علاوہ ٹیکنالوجی اور ویب کی خبر دینے والی لاتعداد ویب سائٹ نے بھی اس کی تصدیق کی ہے

کیلیفورنیا: وہ واٹس ایپ صارفین جو اینڈرائیڈ فون سے آئی فون پر منتقل ہو رہے ہیں اب وہ اپنی میسج ہسٹری کو بھی ساتھ لے جاسکیں گے۔

اس سے قبل واٹس ایپ ڈیٹا کی منتقلی صرف آئی فون سے اینڈرائیڈ پر جانے کی صورت میں ممکن ہوتی تھی۔ میٹا کی ذیلی کمپنی واٹس ایپ پر یہ فیچر گزشتہ برس متعارف کرایا گیا تھا جس کے بعد سے صارفین اپنے وائس نوٹس، تصاویر اور گفتگو آئی او ایس سے اینڈرائیڈ آپریٹنگ سسٹم پر آتے ہوئے ساتھ لا سکتے ہیں۔

یہ بھی پڑھیں: واٹس ایپ چیٹ ہسٹری ایک کلک پر اینڈرائیڈ سے آئی فون منتقل کرنا ممکن!

تازہ ترین اپ ڈیٹ کے بعد اب واٹس ایپ صارفین بحفاظت اپنا ڈیٹا ’موو ٹو آئی او ایس‘ ایپ استعمال کرتے ہوئے اینڈرائیڈ سے آئی فون میں لے جاسکتے ہیں۔ یہ ایپلی کیشن ایپ اسٹور پر دستیاب ہے۔ اس ایپ کو اینڈرائیڈ سے آئی او ایس پر منتقل ہونے والے صارفین اپنا فون ڈیٹا یعنی روابط کی تفصیلات، تصاویر اور ویڈیوز کو منتقل کرنے کے لیے پہلے ہی استعمال کر رہے تھے لیکن تازہ ترین اپ ڈیٹ کے بعد اس میں اب واٹس ایپ ڈیٹا بھی شامل کر دیا گیا ہے۔

واٹس ایپ کا کہنا تھا کہ یہ منتقلی مکمل طور پر انکرپٹڈ ہوگی اور یہ آئندہ ہفتے تک تمام صارفین کی دسترس میں ہوگا۔ میٹا کے چیف ایگیکٹِیو مارک زکر برگ نے منگل کو ایک فیس بک پوسٹ میں کہا کہ ہم واٹس ایپ کی بحافظت فون کی تبدیلی اور اینڈرائیڈ اور آئی فون میں ڈیٹا منتقلی کی صلاحیت میں اضافہ کر رہے ہیں، جبکہ اس کے ساتھ اینڈ ٹو اینڈ انکرپشن برقرار رہے گی

انہوں نے مزید کہا کہ اس فیچر کی بہت طلب تھی۔ ہم نے آئی فون سے اینڈرائیڈ میں ڈیٹا منتقلی کا فیچر گزشتہ برس متعارف کرایا تھا اور اب اینڈرائیڈ سے آئی فون منتقلی کا اضافہ بھی کیا جارہا ہے۔ ڈیٹا منتقلی کے لیے آئی فون کو فیکٹری نیو یا ری سیٹ ٹو فیکٹری سیٹنگ پر ہونا ضروری ہوگا تاکہ موو ٹو آئی و ایس ایپ کے ساتھ جوڑ بن سکے اور اینڈرائیڈ سے ڈیٹا منتقل ہوسکے۔

سان فرانسسکو: واٹس ایپ نے فیصلہ کیا ہے کہ اکاؤنٹ محفوظ کرنے کے لیے جلد یا بدیر جی میل کی طرح فون نمبر کا ڈبل ویری فکیشن نظام پیش کیا جائے گا۔

واٹس ایپ کی اندرونی خبر دینے والی ایک ویب سائٹ، ڈبلیو اے بی ٹا انفو نے کہا ہے کہ واٹس ایپ اکاؤنٹ فراڈ اور ہیکنگ سے محفوظ رکھنے کے لیے فون نمبر پر تصدیقی کوڈ کی طرح کا ایک فیچر جلد ہی سامنے آنے والا ہے۔

یہ بھی پڑھیں: واٹس ایپ صارفین کی برسوں پرانی فرمائش پوری ہونے کے قریب

گزشتہ برس ہیکرز، فشرز اور دیگر مجرموں کی جانب سے لوگوں کے اکاؤنٹس پر نقب لگانے کے بعد واٹس ایپ کی مرکزی میٹا کمپنی نے یہ قدم اٹھایا ہے۔ اس کے تحت جب بھی آپ روایتی فون چھوڑ کر دوسرے فون پر واٹس ایپ کھولیں گے تو آپ کے نمبر پر بھیجا گیا کوڈ درکار ہوگا۔

اس طرح واٹس ایپ اکاؤنٹ پر آپ کا کنٹرول بڑھ جائے گا جس کی حفاظت مزید یقینی ہوسکے گی۔ دوسری جانب ایک مخصوص وقت میں کوڈ شامل کرنے کی اجازت ہوگی۔ کوڈ ڈالنے کے بعد عین جی میل کی طرح مالک کے اصل فون پر واٹس ایپ سرگرم کیے جانے کی خبر بھی بھیجی جائے گی۔

یہ نظام گوگل اکاؤنٹس کے لیے کامیابی سے استعمال کیا جا رہا ہے۔ تاہم اس کی مزید تفصیلات اور تاریخ اجرا کے بارے میں کچھ نہیں بتایا گیا ہے۔

کیلی فورنیا: کہتے ہیں ضرورت ایجاد کی ماں ہے۔ اسی بات پر عمل کرتے ہوئے سماجی رابطوں کا معروف ترین پلیٹ فارم واٹس ایپ اپنے صارفین کی دلچسپی اور ضروریات کے پیش نظر نت نئی اپ ڈیٹس جاری کرتا رہتا ہے۔ یہی وجہ ہے کہ آئے روز اس میں مختلف تجربات جاری رہتے ہیں۔

واٹس ایپ سے متعلق معلومات دینے والی ویب سائٹ WABETAINFO کے مطابق کئی دیگر دلچسپ تبدیلیوں کے ساتھ واٹس ایپ ایک ایسی جہت پر کام کررہا ہے، جس کی فرمائش کروڑوں صارفین کی جانب سے برسوں سے کی جا رہی تھی۔

یہ بھی پڑھیں:ٌ واٹس ایپ کے اسٹیٹس فیچر میں کیا تبدیلی کی جانے والی ہے؟

جی ہاں، اب واٹس ایپ صارفین پیغام بھیجنے کے بعد اس میں ترمیم بھی کر سکیں گے۔ اینڈرائیڈ، آئی او ایس اور ڈیسک ٹاپ، تینوں پلیٹ فارم کو لیے اس فیچر کو آزما رہا ہے۔ فی الوقت واٹس ایپ پر ایسا کوئی آپشن نہیں کہ آپ اپنا بھیجا گیا میسج تبدیل کر سکیں، یا اس میں کچھ الفاظ کا اضافہ یا کوئی بات حذف کر سکیں، تاہم بہت جلد یہ دلچسپ تبدیلی آپ کے اختیار میں ہوگی۔

WABETAINFO پر ایڈٹ فیچر کا ایک اسکرین شاٹ شئیر کیا گیا ہے، جس پر فی الحال کام جاری ہے۔ یہ فیچر اس طرح کام کرے گا کہ جب آّپ اپنے بھیجے ہوئے پیغام کو سلیکٹ کرتے ہیں تو کاپی اور فارورڈ کے ساتھ آپ کو ایڈٹ کا آپشن بھی ملے گا، جس کے ذریعے صارفین پہلے سے بھیجے گئے پیغام میں ٹائپنگ یا املا کی غلطی کو درست کرنے کے ساتھ اضافہ کرنے کی سہولت سے بھی استفادہ کریں گے۔

فی الحال اس بات کا تعین نہیں کیا گیا کہ اس فیچر کو حتمی طور پر تمام آزمائشوں کے بعد صارفین کے لیے کب جاری کیا جائے گا، لیکن اس کی اطلاع ملتے صارفین نے اس تبدیلی کو سراہتے ہوئے خوشی کا اظہار کیا ہے