Search results for: “واٹس ایپ”

مقبول ترین میسجنگ ایپ واٹس ایپ نے گروپ ممبرز کی تعداد 512 سے بڑھا کر 1,024 کردی۔ وابیٹا انفو کے مطابق تمام اینڈرائیڈ اور آئی او ایس صارفین کیلئے واٹس گروپ ممبرز کی تعداد بڑھا کر 1024 کردی گئی ہے۔

گروپ ممبرز کی حد میں اضافے سے کاروباری اداروں اور دیگر تنظیموں کو اپنے کلائنٹس اور صارفین کو زیادہ تعداد میں گروپ میں ایڈ کرنے میں آسانی ہوگی۔

How To Know If Someone Blocked You On WhatsApp

یہ اپ ڈیٹ اس وقت سامنے آئی جب واٹس ایپ نے گروپ کال کے شرکاء کی تعداد 32 تک بڑھادی ہے اور اس کے ساتھ گروپ کال کی معلومات شیئر کرنے کے لیے ’کال لنک‘ فیچر بھی شامل کیا ہے۔

یہ بھی پڑھیں: واٹس ایپ پر 32 لوگ ایک ساتھ ویڈیو کال کرسکیں گے

واضح رہے کہ ایک طویل عرصے تک ایک واٹس ایپ گروپ میں صرف 256 ممبرز کو ایڈ کیا جاسکتا تھا لیکن حال ہی میں کچھ ماہ پہلے یہ تعداد 512 تک بڑھادی گئی تھی اور اب اس میں مزید 100 فیصد اضافہ کرکے اس تعداد کو 1024 کردیا گیا ہے۔

سان فرانسسکو: واٹس ایپ نے موبائل ایپلی کیشن میں سیکیورٹی نقص کی خود نشاندہی کرتے ہوئے نئی اپ ڈیٹ جاری کردی۔

واٹس ایپ کی جانب سے جاری بیان میں بتایا گیا ہے کہ پیغام رسانی کے لیے استعمال ہونے والی ایپلی کیشن میں سیکیورٹی نقص سامنے آیا تھا جس کو دور کر کے نئی اپ ڈیٹ جاری کردی گئی ہے۔ کمپنی نے صارفین کو مشورہ دیا ہے کہ وہ جتنی جلد ممکن ہوسکے گوگل پلے اسٹور یا آئی او ایس اسٹور سے نئی اپ ڈیٹ حاصل کرلیں تاکہ انہیں کسی بھی قسم کی پریشانی کا سامنا نہ کرنا پڑے۔

یہ بھی پڑھیں: واٹس ایپ پر 32 لوگ ایک ساتھ ویڈیو کال کرسکیں گے

واٹس ایپ کے ترجمان نے یہ بھی بتایا کہ نئی اپ ڈیٹ جاری کرنے کے بعد صارفین کے موبائل میں انسٹال سافٹ ویئر (ایپلی کیشن) خود بہ خود اپ ڈیٹ ہوجائے گی تاہم اگر ایسا نہ ہو تو نئی اپ ڈیٹ کو آفیشل اسٹورز سے حاصل کیا جاسکتا ہے۔

ٹیکنالوجی پر نظر رکھنے والے ماہرین نے اس سے قبل بتایا تھا کہ واٹس ایپ کے سیکیورٹی سسٹم میں ایک کوڈ کے نقص کی وجہ سے ہیکرز میل ویئر، اسپائی ویئر یا اس طرح کے جاسوسی کے لیے استعمال ہونے والے سافٹ ویئرز کسی بھی صارف کے اسمارٹ فون میں انسٹال کر کے ڈیٹا تک رسائی حاصل کرسکتے ہیں۔

ماہرین کی جانب سے جاری رپورٹ میں انکشاف کیا گیا تھا کہ ہیکرز ایک کال یا ویڈیو کی مدد سے کسی بھی صارف کا اکاؤنٹ ہیکر کرسکتے ہیں جو بڑے خطرے کی بات ہے۔

واٹس ایپ نے گروپ ویڈیو کال کا فیچر متعارف کرانے کا اعلان کردیا جس کے تحت 32 لوگ ایک ساتھ ویڈیو کال کرسکیں گے۔

اب تک صرف گوگل میٹ یا زوم ویڈیو کال کیلئے ہی لنک شیئر ہوتے تھے لیکن اب آپ واٹس ایپ گروپ کال یا میٹنگ کیلئے بھی لنک شیئر کرسکیں گے۔ واٹس ایپ نے اپنے اس نئے فیچر کو Call Links کا نام دیا ہے۔ اس نئے فیچر کی اطلاع میٹا کے سی ای او مارک زکربرگ نے اپنی ایک فیس بک پوسٹ کے ذریعے دی ہے۔

یہ بھی پڑھیں: واٹس ایپ اب کونسا نیا اور دلچسپ فیچر لانے والا ہے؟

واٹس ایپ کے اس نئے فیچر کی ٹیسٹنگ آخری مرحلے میں ہے جس کے تحت 32 لوگ ایک ساتھ ویڈیو کال کرسکیں گے، یہ فیچر اینڈرائیڈ اور ios دونوں صارفین کیلئے ہوگا۔ واضح رہے کہ واٹس ایپ میں گروپ وائس کال کی سہولت پہلے سے موجود ہے اور اس میں بھی 32 صارفین کے شامل ہونے کی گنجائش رکھی گئی تھی۔