Category: موسم

لاہور: شہری بارشوں کیلئے پھر سے ہو جائیں تیار. پی ڈی ایم اے نے صوبائی دارالحکومت سمیت پنجاب کے مختلف شہروں میں 29 اپریل تک گرج چمک اور ژالہ باری کی پیشگوئی کر دی ہے.

ترجمان پی ڈی ایم اے نے کہا ہے کہ 24 اپریل کی رات کو پنجاب میں مغربی ہواؤں کا سلسلہ داخل ہو جائے گا۔ 26 سے 29 اپریل تک جنوبی پنجاب کے اضلاع میں طوفانی بارشیں ہوں گی۔ ترجمان کے مطابق لاہور سمیت مری، گلیات، راولپنڈی، اٹک، جہلم، چکوال، منڈی بہاؤالدین، گوجرانوالہ، گجرات میں بارشیں ہوں گی۔

حافظ آباد، سیالکوٹ، نارووال، قصور، اوکاڑہ، فیصل آباد اور ٹوبہ ٹیک سنگھ میں بھی بارش کا امکان ہے۔ پی ڈی ایم اے ترجمان نے بتایا کہ جھنگ، خوشاب، سرگودھا، میانوالی، پاکپتن اور ساہیوال میں بھی بارشیں متوقع ہیں۔ جبکہ بیشتر اضلاع میں بارش کے ساتھ ژالہ باری بھی ہو گی۔

ڈی جی پی ڈی ایم اے عرفان علی کاٹھیا نے کہا ہے کہ کسان گندم کی فصل کی کٹائی موسم کی صورتحال کو مدنظر رکھتے ہوئے کریں۔ موسم کی نئی صورتحال سے صوبے کے تمام اضلاع کی انتظامیہ کو آگاہ کر دیا گیا ہے۔ انہوں نے مزید کہا کہ ریسکیو اداروں اور ضلعی انتظامیہ کے لئے اگلے دس دن انتہائی اہمیت کے حامل ہیں۔ نشیبی علاقوں میں نکاسی آب کو یقینی بنایا جائے۔

محکمہ موسمیات کے مطابق اسلام آباد، مری اور گلیات، کشمیر، گلگت بلتستان، چترال، دیر، سوات، مانسہرہ، شانگلہ ،بونیر، مالاکنڈ، پشاور، چارسدہ، نوشہرہ، صوابی، مردان، کرک، کوہاٹ، لکی مروت، وزیرستان اور ڈیرہ اسماعیل خان میں آندھی کے ساتھ مزید بارش کی توقع ہے ۔

محکمہ موسمیات کے ترجمان کے مطابق سندھ کے بیشتر اضلاع میں مطلع جزوی طور پر ابر آلود رہنے کا امکان ہے۔ دادو، جامشورو، لاڑکانہ، سکھر، جیکب آباد، شہید بینظیر آباد میں بارش متوقع ہے۔ نوشہرو فیروز، گھوٹکی، خیرپور اور کشمور میں گرج چمک کے ساتھ بارش کا امکان۔ کراچی، ٹھٹھہ، بدین، حیدرآباد، میرپور خاص میں بھی تیز ہواؤں کے ساتھ ہلکی بارش کا امکان ہے۔

محکمہ موسمیات کے مطابق راولپنڈی، اٹک، چکوال، جہلم، منڈی بہاؤالدین، گجرات، گوجرانوالہ، سیالکوٹ، لاہور، قصور، اوکاڑہ، فیصل آباد، خوشاب، سرگودھا، میانوالی میں بارش ہوگی۔ ڈیرہ غازی خان، راجن پور، بھکر، لیہ، ملتان، پاکپتن، ساہیوال، مظفر گڑھ، رحیم یار خان، صادق آباد، بہاولپور اور بہاولنگر میں آندھی کے ساتھ بارش ہوگی۔

ترجمان محکمہ موسمیات کے مطابق بلوچستان میں ژوب، کوہلو، سبی، لورالائی، زیارت، کوئٹہ، چمن، پشین، قلعہ عبداللہ، قلعہ سیف اللہ، لسبیلہ، قلات، خضدار، بارکھان، مسلم باغ، تربت، ہرنائی، نصیر آباد، جعفرآباد، گوادر اور کیچ میں مزید بارش کا امکان ہے۔ محکمہ موسمیات نے بلوچستان میں موسلادھار بارش کے باعث مقامی برساتی ندی نالوں میں طغیانی کا اندیشہ بھی ظاہر کردیا۔

محکمہ موسمیات نے 19 ویں رمضان کو وفاقی دارالحکومت سمیت ملک بھر میں گرج چمک کے ساتھ بارش کی نوید سنا دی۔

رپورٹ کے مطابق وفاقی دارالحکومت اور گر دو نواح میں مطلع ابر آلود رہنے کے علاوہ آندھی /جھکڑ اور گرج چمک کے ساتھ وقفے وقفے سے بارش کی توقع ہے۔ محکمہ موسمیات کا کہنا ہے کہ پنجاب میں مری، گلیات، راولپنڈی، اٹک، چکوال، جہلم، منڈی بہاؤالدین، گجرات، گوجرانوالہ، حافظ آباد، سیالکوٹ، نارووال، لاہور، قصور، اوکاڑہ، فیصل آباد، ٹوبہ ٹیک سنگھ، جھنگ، خوشاب، سرگودھا، میانوالی، ڈیرہ غازی خان، راجن پور، بھکر، لیہ اورملتان میں آندھی/جھکڑ چلنے اور گرج چمک کے ساتھ بارش کا امکان ہے۔ اس دوران چند مقامات پرژالہ باری بھی ہو سکتی ہے۔

خیبرپختونخوا میں چترال، دیر، سوات، کوہستان، شانگلہ، ایبٹ آباد، مانسہرہ، ہری پور، صوابی، مردان، چارسدہ، نوشہرہ، مالاکنڈ، باجوڑ، پشاور، مہمند، خیبر، کرم، کوہاٹ، لکی مروت، بنوں، ڈیرہ اسماعیل خان، کرک اور وزیرستان میں تیز ہواؤں/آندھی اور گرج چمک کے ساتھ بارش اور پہاڑوں پر برفباری کا امکان ہے۔ اس دوران چند مقامات پر ژالہ باری کی بھی توقع ہے۔ جبکہ چترال، دیر، سوات ، کوہستان، شانگلہ، بونیر، ایبٹ آباد اور مانسہرہ میں موسلادھار بارش کا امکان ہے۔

صوبہ بلوچستان کے بیشتر بالائی اضلاع میں مطلع جزوی ابر آلود رہے گا۔ تاہم کوئٹہ، ژوب، بار خان، چمن، پشین اور زیارت میں صبح کے اوقات میں تیز ہواؤں/آندھی اور گرج چمک کے ساتھ بارش کا امکان ہے۔

ادھر سندھ کے بیشتر اضلاع میں موسم خشک رہے گا۔ تاہم جنوبی اضلاع میں گرد آلود ہوائیں چلنے کی توقع ہے۔ کشمیر اور گلگت بلتستان میں بھی تیز ہواؤں اور گرج چمک کے ساتھ وقفے وقفے سے بارش اور بلند پہاڑوں پر برفباری کی پیش گوئی کی گئی ہے۔

محکمہ موسمیات کا کہنا ہے کہ ملک کے بیشتر علاقوں میں موسم سرد اور جزوی طور پر ابر آلود رہے گا۔ تاہم شمال اور شمال مشرقی بلوچستان، گلگت بلتستان، بالائی خیبرپختونخوا، جنوبی پنجاب، کشمیر اور ملحقہ پہاڑی علاقوں میں تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے۔

منگل کو موسم کی صورتحال کے حوالے سے محکمہ موسمیات کا کہنا ہے کہ اسلام آباد اور گردونواح میں موسم خشک اور جزوی طور پر ابر آلود رہے گا، اس کے علاوہ شام یا رات کو تیز ہواؤں اور گرج چمک کے ساتھ بارش کا امکان ہے۔

رمضان المبارک میں موسم کیسا رہے گا؟ محکمہ موسمیات نے بتا دیا

خیبرپختونخوا کے بیشتر اضلاع میں موسم سرد اور مطلع جزوی ابر آلود رہنے کے علاوہ شام یا رات میں وزیرستان، کوہاٹ، لکی مروت، بنوں ، ڈیرہ اسماعیل خان، چترال، دیر، سوات، ایبٹ آباد، مانسہرہ، ہری پور، کوہستان، شانگلہ، بونیر، باجوڑ، کرک، خیبر، پشاور، چارسدہ، نوشہرہ، صوابی، مردان اورکرم میں تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے۔

محکمہ موسمیات کے مطابق پنجاب کے بیشتر اضلاع میں موسم سرد اور خشک رہے گا۔ تاہم شام یا رات میں ڈیرہ غازی خان، لیہ ، رحیم یار خان،بہاولپور، بہاولنگر، خانپور، ملتان، میانوالی، خوشاب،سرگودھا، بھکر، جھنگ،ٹوبہ ٹیک سنگھ، فیصل آباد،نارووال، اوکاڑہ، لاہور، حافظ آباد، گجرات ،منڈی بہاؤالدین، گوجرانوالہ،اٹک ،چکوال، جہلم، راولپنڈی ،مری، گلیات اور گردو نواح میں تیز ہواؤں اور گرج چمک کے ساتھ بارش کا امکان ہے۔