اتوار کے روز ملک کے بیشتر میدانی علاقوں میں موسم سرد اور خشک رہے گا۔ تاہم گلگت بلتستان اور کشمیر میں مطلع ابر آلود رہنے کے علاوہ چند مقامات پر ہلکی بارش اور پہاڑوں پر ہلکی برفباری کا امکان ہے۔ رات کے اوقات میں پنجاب، خیبرپختونخوا اور بالائی سندھ کے میدانی علاقوں میں دھند/سموگ چھائے رہنے کا امکان ہے۔
پیر کے روز ملک کے بیشتر میدانی علاقوں میں موسم سرد اور خشک جبکہ شمالی اضلاع میں شدید سرد رہے گا۔ پنجاب، خیبرپختونخوا اور بالائی سندھ کے میدانی علاقوں میں صبح اور رات کے اوقات میں دھند/سموگ چھائے رہنے کا امکان ہے۔
اتوار کو پنجاب کے بیشتر علاقوں میں موسم خشک اور سرد رہے گا۔ جبکہ مری، گلیات اور گردونواح میں موسم سرد رہے گا۔ بہاولپور، ساہیوال، سرگودھا، لاہور، گوجرانوالہ، نارووال، فیصل آباد، ٹوبہ ٹیک سنگھ، جھنگ، خانیوال، ملتان، خانپور، رحیم یار خان، سیالکوٹ، حافظ آباد، گجرات، منڈی بہاؤالدین، جہلم، بھکر، لیہ، ڈیرہ غازی خان میں رات کے اوقات میں میں شدید دھند/سموگ کا امکان ہے۔
خیبرپختونخوا کے بیشتر اضلاع میں موسم سرد اور خشک جبکہ بالائی اضلاع میں مطلع جزوی طور پر ابر آلود رہنے کی پیشگوئی کی گئی ہے۔ تاہم مردان، صوابی، چارسدہ نوشہرہ، پشاور اور ڈی آئی خان میں رات کے وقت دھند چھائی رہنے کا امکان ہے۔ بلوچستان کے بیشتر اضلاع میں موسم سرد اور خشک جبکہ شمالی اضلاع میں شدید سرد رہے گا۔
سندھ کے بیشتر اضلاع میں موسم خشک رہے گا۔ تاہم جیکب آباد، موہنجوداڑو، سکھر، لاڑکانہ، دادو، گھوٹکی اور پڈعیدن میں رات کے اوقات میں دھند/سموگ چھائے رہنے کا امکان ہے۔کشمیر اور گلگت بلتستان میں مطلع ابر آلود رہنے کے علاوہ چند مقامات پر ہلکی بارش اور پہاڑوں پر ہلکی برفباری کا امکان ہے۔
پیر کو پنجاب کے بیشتر علاقوں میں موسم خشک اور سرد رہے گا جبکہ مری، گلیات اور گردونواح میں موسم سرد رہے گا۔ بہاولپور، ساہیوال، سرگودھا، لاہور، گوجرانوالہ، نارووال، فیصل آباد، ٹوبہ ٹیک سنگھ، جھنگ، خانیوال، ملتان، خانپور، رحیم یار خان، سیالکوٹ، حافظ آباد، گجرات، منڈی بہاؤالدین، جہلم، بھکر، لیہ، ڈیرہ۔ غازی خان اور گر دو نواح میں صبح اور رات کے اوقات میں شدید دھند/سموگ کا امکان ہے۔
