Category: صحت

پنجاب بھر کی طرح منڈی بہاءالدین میں بھی محکمہ صحت کے ملازمین نے مراکز صحت کی آوُٹ سورسنگ کے خلاف احتجاج، ملازمین کی کثیر تعداد احتجاج میں شریک ہوئی ۔

پنجاب حکومت کے مراکز صحت کو آوُٹ سورس کرنے کے فیصلہ کے بعد شعبہ صحت کے ملازمین شدید پریشان اور مستقبل کے بارے میں بے یقینی کی کیفیت میں مبتلا ہیں۔ صوبہ بھر کی طرح منڈی بہاءالدین میں بھی پیرا میڈیکل سٹاف ،ویکسنیٹرز ڈسپنسرز، لیڈی ہیلتھ ویزٹرز، میڈ وائفز اور درجہ چہارم ملازمین کی بڑی تعداد نے کام چھوڑ کر DHA آفس کے باہر شدید احتجاج کیا اور اجتجاجی ریلی بھی نکالی .

محکمہ صحت کے معذور ملازمین بھی اپنی مخصوص گاڑی میں سوار ہو کر احتجاج میں شریک ہوئے ۔ ریلی کے شرکاء نے فلیکس اٹھا رکھی تھی جس پر مطالبات تحریر تھے ۔ ریلی کے شرکاء نے حکومتی پالییسی کے خلاف اور اپنے مطالبات کے حق میں شدید نعرہ بازی کی صدر ینگ پیرا میڈکس علی رضا منہاس نے مطالبات پیش کئے ۔

جبکہ CEO ہیلتھ ڈاکٹر محمد عابد نے احتجاج کے شرکاء سے خطاب کرتے ہوئے کہا کہ محکمہ صحت کے مستقل ملازمین کو نوکری سے نہیں نکالا جا رہا بلکہ انہیں ضلع کے اندر ہی مختلف ملازمتوں پر تعینات کیا جائے گا ۔ جبکہ ایڈہاک ملازمین کو ترجیحاّ روزگار کے نئے مواقع فراہم کئے جائیں گے ۔

منڈی بہاوالدین: رمضان المبارک میں اشیائے خوردونوش کی قیمتوں پر سخت مانیٹرنگ، پرائس کنٹرول مجسٹریٹ فریال نعیم متحرک

منڈی بہاؤالدین (نیوز ایجنسی) رمضان المبارک کی رحمتوں کے سائے میں عوام کو ریلیف فراہم کرنے کے لیے ضلعی انتظامیہ پوری طرح سرگرم عمل ہے۔ پرائس کنٹرول مجسٹریٹ فریال نعیم نے مختلف بازاروں، پنڈی پرانی، رسول روڈ، کالونی موڑ سمیت مضافاتی علاقوں اور مارکیٹوں کا دورہ کیا، جہاں اشیائے خور و نوش کی قیمتوں کا تفصیلی جائزہ لیا گیا اور سرکاری نرخ نامے کی مکمل پابندی کو یقینی بنانے کے لیے واضح ہدایات جاری کی گئیں۔

آج پھل، سبزی و گوشت کی تازہ ترین ریٹ لسٹ دیکھیں

چیکنگ کے دوران ناجائز منافع خوری، ذخیرہ اندوزی اور غیر معیاری اشیاء کی فروخت پر فوری ایکشن لیا گیا اور دکانداروں کو پابند کیا گیا کہ وہ اشیاء سرکاری نرخوں پر فروخت کریں۔ اس موقع پر پرائس کنٹرول مجسٹریٹ فریال نعیم نے عوام کو یقین دہانی کرائی کہ رمضان المبارک کے دوران مہنگائی اور مصنوعی قلت پیدا کرنے کی کسی کو اجازت نہیں دی جائے گی۔

ضلعی انتظامیہ کے مطابق روزمرہ استعمال کی اشیاء آٹا، چینی، گھی، سبزیاں، پھل اور گوشت کی قیمتوں پر سختی سے نظر رکھی جا رہی ہے، جبکہ رمضان بازاروں میں شہریوں کو رعایتی نرخوں پر اشیاء کی فراہمی یقینی بنانے کے لیے مؤثر اقدامات کیے گئے ہیں۔

شہریوں نے انتظامیہ کی کاوشوں کو سراہتے ہوئے امید ظاہر کی کہ رمضان کے بابرکت مہینے میں انہیں معیاری اور سستی اشیاء کی دستیابی یقینی بنائی جائے گی,

وزیر صحت پنجاب خواجہ عمران نذیر نے منڈی بہاءالدین کی تحصیل ملکوال کا دورہ کیا۔ اس موقع پر ڈی جی ہیلتھ پنجاب ڈاکٹر محمد الیاس گوندل اور ڈپٹی کمشنر ڈاکٹر فیصل سلیم بھی ہمراہ تھے۔

منڈی بہاءالدین( یکم مارچ 2025) تفصیلات کے مطابق ملکوال کی رہائشی 8 سالہ ماہ نور کے متعلق ورلڈ ہیلتھ آرگنائزیشن کی طرف سے پولیو وائرس کی تصدیقی رپورٹ پر وزیر صحت پنجاب خواجہ عمران نذیر ملکوال میں بچی کے گھر پہنچ گئے۔ وزیر صحت خواجہ عمران نذیر نے وزیر اعلیٰ پنجاب مریم نواز شریف کی طرف سے بچی کو تحائف پیش کئے۔

رواں سال پنجاب سے پولیو کا پہلا کیس سامنے آیا، صوبائی وزیر صحت نے تردید کردی

اس موقع پر خواجہ عمران نذیر کا کہنا تھا کہ ڈبلیو ایچ او کی رپورٹ غیرمستند ہے۔ اس وقت ہم سب بچی کے گھر میں موجود ہیں، جو بالکل صحت مند اور معمول کے مطابق چل پھر رہی ہے۔ وزیر صحت کا کہنا تھا کہ منڈی بہاءالدین سمیت پنجاب بھر میں پانچ سال تک کے بچوں کی پولیو ویکسینیشن کی گئی ہے۔

ان کا کہنا تھا کہ ہمارے پولیو ورکرز پوری جانفشانی سے ویکسینیشن کرتے ہیں اور ماہ نور کی بھی مکمل ویکسینیشن کی گئی ہے جس کے باعث وہ بالکل ٹھیک ہے۔ وزیر صحت پنجاب کا کہنا تھا کہ ہم نے ڈبلیو ایچ او کی اس بے بنیاد رپورٹ کے حوالے سے وفاقی حکومت سے رابطہ کیا ہے تاکہ ایسی غیر مستند رپورٹس کو روکا جا سکے۔

ان کا کہنا تھا کہ ڈبلیو ایچ او کی پنجاب میں دو کیسز رپورٹ کئے جانے پر ہیلتھ کمیٹی بنا دی ہے جو اس کہ مکمل تحقیقات کر کے رپورٹ پیش کرے گی۔

قبل ازیں وزیر صحت پنجاب خواجہ عمران نذیر نے ٹی ایچ کیو ہسپتال ملکوال کا بھی دورہ کیا اور ہسپتال کے مختلف شعبوں کا معائنہ کیا۔ انہوں نے مریضوں اور ان کے عزیز و اقارب سے ہسپتال میں دی جانے والی طبی سہولیات کے متعلق بھی استفسار کیا اور اپنے اطمینان کا اظہار کیا۔ وزیر صحت نے ڈپٹی کمشنر ڈاکٹر فیصل سلیم اور محکمہ صحت کی کارکردگی کو سراہا۔

لاہور: پنجاب سے 2025 کے پہلے کیس کی تصدیق ہوگئی۔ ضلع منڈی بہاءالدین کے علاقے ملکوال کی 8 سالہ بچی کو 10 فروری کو فالج کا دورہ پڑا جس کے بعد ضلعی محکمہ صحت کی ٹیم نے بچی کو چیک کیا اور 14 فروری کو بچی کا پاخانہ ٹیسٹ کے لیے نیشنل لیبارٹری اسلام آباد بھیجا گیا

ملک میں پولیو وائرس کے مزید دو نئے کیسز سامنے آ گئے

جہاں ٹیسٹ میں پولیو وائرس کی تصدیق ہوئی۔ صوبائی وزیر پرائمری اینڈ سیکنڈری ہیلتھ کیئر خواجہ عمران نذیر نے پنجاب میں پولیو کیس کی تردید کرتے ہوئے ڈبلیو ایچ او اور قومی ادارہ صحت کی رپورٹ کو مسترد کر دیا۔

انہوں نے کہا ہے کہ ڈبلیو ایچ او نے منڈی بہاؤالدین کی 8 سالہ ماہنور کو پولیو کا شکار قرار دیا تھا۔ تاہم ہمارے پانچ رکنی میڈیکل بورڈ نے بچی کا تفصیلی معائنہ کیا ہے اور حاصل کردہ ریکارڈ اور ویڈیوز کے مطابق ماہنور پولیو کی مریضہ نہیں ہے۔

ایڈیشنل ڈپٹی کمشنر جنرل وقار اکبر چیمہ نے بی ایچ یو سوہاوہ بولانی میں بگ کیچ اپ (حفاظتی ٹیکہ جات) کی مہم کا فیتہ کاٹ کر افتتاح کیااور مہم کی کامیابی کیلئے دعا کی۔ اس موقع پر سی ای او ہیلتھ ڈاکٹر محمد عابد یوسف ،ڈسٹرکٹ ہیلتھ آفیسرڈاکٹر افتخار،ڈپٹی ڈسٹرکٹ ہیلتھ آفیسر،ای پی آئی فوکل پرسن رانا جاوید اختر،ڈی ایس وی ظہیر عباس اور دیگر نے شرکت کی۔

منڈی بہاءالدین ( ایم.بی.ڈین نیوز 18 فروری 2025) سی ای او ہیلتھ ڈاکٹر عابد یوسف نے ضلع منڈی بہاءالدین میں بگ کیچ اپ ویکسی نیشن کے حوالے سے بتایا کہ یہ مہم 17 فروری سے 15 مارچ 2025 تک جاری رہے گی۔ اس مہم کے تحت پیدائش کے وقت سے لے کر 5 سال تک کی عمر کے ایسے بچے جو کسی بھی وجہ سے حفاظتی ٹیکہ جات نہ لگوا سکے، ان بچوں کی سو فیصد ویکسی نیشن کی جائے گی۔

ان ویکسین سے بچے تپ دق، پولیو، خناق، نمونیہ، کالی کھانسی، کالا یرقان، گردن توڑ بخار، اسہال، تشنج اور خسرہ جیسی بیماریوں سے محفوظ رہ سکتے ہیں۔ جس پر ایڈیشنل ڈپٹی کمشنر وقار اکبر چیمہ کا کہنا تھا کہ حکومت پنجاب کی ہدایت پر پنجاب بھر کی طرح ضلع منڈی بہاءالدین میں بھی بگ کیچ اپ ویکسی نیشن مہم شروع کی گئی ہے ،چھوٹے بچوں کو موذی مرض سے بچانے کا واحد حل حفاظتی ٹیکہ جات ہے ۔

انہوں نے محکمہ صحت کے افسران کو ہدایت کی کہ وہ فیلڈ ٹیموں کی مانیٹرنگ کریں تا کہ پانچ سال تک کی عمر کا کوئی بھی بچہ حفاظتی ٹیکوں سے محروم نہ رہے۔ انہوں نے والدین سے اپیل کی کہ وہ اپنے بچوں کو موذی مرض سے محفوظ رکھنے کیلئے محکمہ صحت کی ٹیموں سے تعاون کریں اور حفاظتی ٹیکے ضرور لگوائیں ۔

ڈپٹی کمشنر ڈاکٹر فیصل سلیم کی زیر صدارت ڈسٹرکٹ پولیو ایریڈیکیشن کمیٹی کا اجلاس ڈی سی آفس میں منعقد ہوا۔ اجلاس میں 16 دسمبر سے شروع ہونے والی پانچ روزہ انسداد پولیو مہم کی تیاریوں کا جائزہ لیا گیا ۔

منڈی بہاءالدین ( ایم.بی.ڈین نیوز 27نومبر 2024) سی ای او ہیلتھ ڈاکٹر محمد عابد یوسف اور ڈسٹرکٹ ہیلتھ آفیسر ڈاکٹر افتخار نے انسداد پو لیو مہم کے حوالے سے بریفنگ دیتے ہوئے بتایا کہ 16 دسمبر سے 20 دسمبر 2024 تک جاری رہنے والی انسداد پولیو مہم کیلئے تیاریاں شروع کر دی گئی ہیں۔

پانچ روزہ مہم کے دوران پانچ سال تک کے 3 لاکھ 24 ہزار 622 بچوں کو پولیو ویکسین اور وٹامن اے کے قطرے پلائے جائیں گے۔ پولیو مہم کے لئے محکمہ صحت کے 2،922 ورکرز پر مشتمل 70 فکسڈ ٹیمیں، 45 ٹرانزٹ پوائنٹس ٹیمیں، گھر گھر جانے والی 1،225 ٹیمیں، 70 یوسی ایم اوز جبکہ 242 ایریا انچارجز مقرر کئے گئے ہیں۔

اس ضمن میں مائیکرو اور میکرو پلان تیار کر کے ضلعی اور تحصیل سطح پر متعلقہ سٹاف کو تربیت فراہم کی جائے گی ۔ ڈپٹی کمشنر ڈاکٹر فیصل سلیم کا کہنا تھا کہ پولیو سے پاک پاکستان ہم سب کا اصل ہدف ہے جو عملی اقدامات سے ہی ممکن ہے۔ انہوں نے ہدایت کی کہ انسداد پولیو مہم کے دوران کسی بھی فیک انٹریز سے اجتناب کیا جائے اور گزشتہ پولیو مہم کو مد نظر رکھتے ہوئے خامیوں کو دور کیا جائے ۔

اسسٹنٹ پروفیسر ڈاکٹر رضوان علی اعوان (جو ملک سرفراز الحق اعوان (مرحوم) کے بیٹے ملک اعجاز الحق مدنی (مرحوم) کے بھتیجے اور کامران علی اعوان (فائی کیبل نیٹ ورک) کے بھائی ہیں)

رائل کالج آف فزیشن گلاسگو، ایڈنبرا اور لندن سے شاندار کامیابی پر اور ضلع منڈی بہاؤالدین کے پہلے اینڈوکرینولوجسٹ میڈیکل سپیشلسٹ کا اعزاز حاصل کر لیا.