rain in pakistan

ملک کے شمالی علاقوں میں بارش کی پیشگوئی

چیف میٹرولوجسٹ سردار سرفراز کا کہنا ہے کہ ہوا کے کم دباؤ کے باعث ملک کے شمالی علاقوں میں بارشیں متوقع ہیں۔

ایک بیان میں سردار سرفراز نے کہا کہ ہوا کے کم دباؤ کے باعث کراچی میں گرمی کی شدت میں کمی آنے لگی ہے، شہر میں سمندری ہوائیں اچھی رفتار سے چل رہی ہیں۔ انہوں نے کہا کہ کراچی میں صبح سویرے اور شام میں بادل بھی موجود رہتے ہیں، آئندہ تین روز درجہ حرارت 34 سے 36 ڈگری سینٹی گریڈ رہنے کا امکان ہے۔

ان کا یہ بھی کہنا تھا کہ 16 اور 17 اپریل کو دادو، نواب شاہ اور سانگھڑ میں آندھی کے ساتھ ہلکی بارش کا بھی امکان ہے. چیف میٹرولوجسٹ نے کہا کہ کراچی میں 19 اپریل کے بعد سے گرمی کی شدت میں کچھ اضافہ ہوسکتا ہے، اس دوران پارہ 38 ڈگری سینٹی گریڈ کو چھو سکتا ہے۔

سردار سرفراز کا کہنا تھا کہ 26 یا 27 اپریل کو مغربی ہواؤں کا نیا سلسلہ ملک کے شمالی حصے پر اثر انداز ہو سکتا ہے، اس سسٹم کے باعث بالائی سندھ، سکھر، لاڑکانہ اور جیکب آباد میں بارش ہوسکتی ہے

اپنا تبصرہ بھیجیں