oman mine

عمان:سنگ مرمر کی کان کاحادثہ،7 پاکستانی جاں بحق

عمان میں سنگ مرمر کی کان کے حادثے میں 7 پاکستانی جاں بحق ہوگئے۔

ریڈیو پاکستان کے مطابق عبری شہر میں سنگ مرمر کی کان پر مٹی کا تودہ گرنے سے کان دب گئی۔

کان دبنے سے اندرموجود 7 پاکستانی کان کن جاں بحق اور 4 لاپتہ ہوگئے۔ ایک پاکستانی کان کن زخمی بھی ہوا ہے جس کا علاج جاری ہے۔ عمان میں موجود پاکستانی سفارت خانہ اس معاملے کا جائزہ لے رہا ہے اور امدادی کارروائیاں بھی کی جارہی ہیں۔

پاکستانی سفارت خانے کے عملے متاثرہ علاقے میں جاکر پاکستانی کان کنوں کے اہل خانہ سے ملاقات کی اور ان کو ہر ممکن مدد کا یقین دلایا۔ عمان کے حکام نے بھی کان سے ملبہ ہٹانے اور لاشوں اور لاپتہ افراد کی تلاش کے لیے آپریشن شروع کردیا ہے اور بھاری مشینری بھی وہاں موجود ہے

اپنا تبصرہ بھیجیں