pervaiz ilahi

پرویز الٰہی کا پنجاب اسمبلی کی اسپیکر شپ سے مستعفی نہ ہونے کا فیصلہ

لاہور: ق لیگ کے رہنما پرویز الٰہی نے پنجاب اسمبلی کی اسپیکر شپ سے مستعفی نہ ہونے کا فیصلہ کرلیا۔

ایکسپریس نیوز ذرائع کے مطابق اسپیکر پرویز الٰہی تیزی سے بدلتی سیاسی صورتحال کے پیش نظر استعفیٰ نہیں دیں گے۔ وہ اسپیکر پنجاب اسمبلی کے عہدے پر رہتے ہوئے ہی وزیراعلیٰ پنجاب کا ووٹ لیں گے، اعتماد کا ووٹ مل جانے کی صورت میں اسپیکر پنجاب اسمبلی کے عہدے سے مستعفی ہونگے۔

یہ بھی پڑھیں: عثمان بزدار مستعفی، عمران خان کے خلاف تحریک عدم اعتماد پیش

ذرائع کے مطابق پرویز الہی ایوان سے اعتماد کا ووٹ نہ لے سکے تو بطور اسپیکر ہی کام جاری رکھیں گے۔ آئین کے تحت اسپیکر کا عہدہ رکھتے ہوئے اعتماد کا ووٹ لیا جاسکتا ہے، تاہم وزیر اعلیٰ منتخب ہونے پر آئین کی رو سے انہیں اسپیکر شپ چھوڑنا ہوگی۔

پرویز الٰہی کی نامزدگی کے بعد حکمران جماعت اسپیکر کا امیدوار تلاش کر رہی ہے اور حکومتی حلقوں میں یہ چرچا تھا کہ پرویز الٰہی اسپیکر کا عہدہ چھوڑ دیں گے، لیکن ایم کیو ایم کے اپوزیشن کے ساتھ دینے کی خبریں ہیں، پرویز الہی نے انہی خبروں کے بعد اسپیکر شپ سے مستعفی نہ ہونے کا فیصلہ کیا

اپنا تبصرہ بھیجیں