mandi bahaudidn price control

ضلع منڈی بہاءالدین میں قائم 4 رمضان بازار آج سے فعال کر دئیے گئے

ایڈیشنل ڈپٹی کمشنر ریونیو ڈاکٹر احسان الحق ضیاء نے رمضان بازار ملکوال کا اچانک دورہ کیا۔ اپنے دورے کے دوران انہوں نے رمضان بازار میں اشیائے خوردونوش کے مختلف سٹالز کا معائنہ، سکیورٹی انتظامات ، اشیاء کی کوالٹی ، مقدار اور قیمتوں کا بھی تقابلی جائزہ لیا۔

منڈی بہاوالدین( ایم.بی.ڈین نیوز 29 مارچ 2022 ) انہوں نے رمضان بازار میں آنے والے چینی اور آٹے کے صارفین کے بیٹھنے کی الگ الگ سہولیات اور انتظامات کا بھی جائزہ لیا۔ انہوں نے اسسٹنٹ کمشنر اور انچارج رمضان بازار پر واضح کیا کہ رمضان بازاروں میں عوام الناس کو ریلیف کی فراہمی بنیادی ترجیح ہے۔ انہوں نے انجمن تاجران سے اپیل کی کہ وہ ماہ رمضان میں ناجائز منافع خوری سے اجتناب کریں اور اس بابرکت مہینے میں عوام الناس کیلئے آسانیاں پید ا کی جائیں۔

آج کی پھل، سبزی و گوشت کی تازہ ترین ریٹ لسٹ دیکھیں

انہوں نے بتایا کہ رمضان بازاروں میں کریانہ، مشروبات ، کھجور، گوشت، انڈے عام مارکیٹ کی نسبت کم قیمت پر دستیاب ہیں۔ مارکیٹ کمیٹی اور ضلعی انتطامیہ کی جانب سے رمضان بازاروں میں فیئر پرائس شاپس بھی قائم کی گئی ہیں جہاں سبزیاں، پھل ، دالیں اور بیسن عام مارکیٹ کی نسبت انتہائی کم قیمت پر فروخت کئے جا رہے ہیں۔

اپنا تبصرہ بھیجیں