new zeeland v Bangladesh

نیوزی لینڈ کو پہلی بار بنگلہ دیش سےہوم گراؤنڈ پر شکست

بنگلہ دیش نے آئی سی سی ورلڈ ٹیسٹ چیمپئن نیوزی لینڈ کو شکست سے دوچار کردیا۔ بنگلہ دیش نے دو ٹیسٹ میچوں پر مشتمل سیریز کے پہلے میچ میں نیوزی لینڈ کو 8 وکٹوں سے شکست دیکر سیریز میں 0-1 کی برتری حاصل کرلی۔

پاکستان کے ہاتھوں ہوم گراؤنڈ پر شکست کا مزا چکھنے والی بنگلادیشی ٹیم نے نیوزی لینڈ کے خلاف شاندار کم بیک کیا اور کیویز کو ڈھیر کردیا۔ ماؤنٹ مونگانوئی ٹیسٹ کی پہلی اننگز میں کیویز نے ہوم گراؤنڈ پر 328 رنز بنائے جس میں ڈیون کانوے کی 122 رنز کی اننگز کے علاؤہ ہنری نکلس 75 اور ول ینگ 52 رنز کے ساتھ نمایاں رہے تھے۔

بنگلہ دیش کی جانب سے مہدی حسن، شرف الاسلام نے 3،3 جبکہ مومن الحق نے دو وکٹیں حاصل کیں تھی۔ پہلی اننگز میں بنگلہ دیش نے شاندار کھیل کا مظاہرہ کیا اور کیویز کے سامنے 458 رنز کا پہاڑ کھڑا کردیا، پہلی اننگز کے اختتام پر بنگال ٹائیگرز حریف ٹیم کے خلاف 130 رنز کی برتری حاصل ہوگئی تھی ۔

دوسری اننگز میں کیوی ٹیم کا کوئی بلےباز مزاحمتی اننگز کھیلنے میں ناکام رہا، ول ینگ 69 جبکہ روس ٹیلر 40 رنز کے ساتھ نمایاں رہے جبکہ نیوزی لینڈ 169 رنز بناسکی۔ بنگلہ دیش کی جانب سے دوسری اننگز میں عبادت حسین نے جارحانہ بالنگ کا مظاہرہ کرتے ہوئے 6 وکٹیں لیں اور بنگال ٹائیگرز کی جیت میں اہم کردار ادا کیا۔ بنگلہ دیش نے محض 40 رنز کا ہدف دو وکٹوں کے نقصان پر حاصل کرلیا اور تاریخ میں پہلی بار نیوزی لینڈ کو ہوم گراؤنڈ پر ٹیسٹ میچ میں شکست کا مزا چکھایا

اپنا تبصرہ بھیجیں