Mandi Bahauddin Deputy Commissioner

منڈی بہاءالدین کے نئے ڈپٹی کمشنر نے اپنے عہدے کا چارج سنبھال لیا

منڈی بہاﺅلدین( ایم.بی.ڈین نیوز یکم دسمبر 2021) منڈی بہاﺅالدین کے نئے ڈپٹی کمشنراحسان الحق ضیاءنے اپنے عہدے کا چارج سنبھال لیا۔ دفتر آمد پر سینئر افسران اور سٹاف نے ان کا خیر مقدم کیا۔ ڈپٹی کمشنر نے افسران کے ساتھ مختصر ملاقات میں محکمانہ کارکردگی کا جائزہ لیا اور مختلف ہدایات جاری کیں۔

ڈسٹرکٹ کمپلیس میں اسسٹنٹ کمشنرز سمیت ضلعی افسران واہلکاران کے ساتھ تعارفی اجلاس سے خطاب کرتے ہوئے انہوں نے کہا کہ تمام محکمے خصوصاً محکمہ صحت اور تعلیم اپنی ترجیحات کو کو فوکس کریں اوریہ شعبے ان کی توجہ کا مرکز ہونگے تاکہ عوام الناس کی بہتری کیلئے تمام اہداف کا حصول ممکن بنایا جاسکے۔

یہ بھی پڑھیں: ڈپٹی کمشنر منڈی بہاءالدین طارق علی بسرا کو تبدیل کر دیا گیا

انہوں نے کہا کہ عوامی مسائل کے حل اور انتظامی امور میں بہتری کے سلسلہ میں تمام افسران کو اپنی کارکردگی میں نمایاں اضافہ کرنا ہو گا، حکومتی ترجیحات اور ایجنڈے کی تکمیل میں افسران مکمل دلجمعی کے ساتھ فرائض کی ادائیگی کریں۔

اپنا تبصرہ بھیجیں