انعام بٹ نے ایک اور گولڈ میڈل جیت لیا

پاکستانی ريسلر انعام بٹ نے ایک اور گولڈ میڈل جیت لیا، ورلڈ بيچ ريسلنگ سيريز کے فائنل میں آذربائیجان کے پہلوان کو شکست دیدی۔

يونان ميں جاری ايونٹ کے کوارٹر فائنل ميں انعام بٹ نے رومانيہ کے ريسلر کو 0-3 سے جبکہ سیمی فائنل میں يوکرائن کے پہلوان کو شکست دی۔ پاکستان کے انعام بٹ کا مقابلہ فائنل میں آذربائیجان کے پہلوان سے ہوا، جسے پچھاڑ کر انہوں نے ایک اور گولڈ میڈل اپنے نام کرلیا۔

یہ بھی پڑھیں: گولڈ میڈل جیتنے پر حیدر علی کیلیے 25 اور انعام بٹ کو 10 لاکھ روپے دینے کا اعلان

اس سے قبل گزشتہ ہفتے انعام بٹ اٹلی میں منعقدہ ورلڈ بیچ ریسلنگ میں اپنے ٹائٹل کا دفاع کرتے ہوئے گولڈ میڈل جیت چکے ہیں۔ پاکستان کے دوسرے ريسلر زمان انور کو آذربائيجان کے ريسلر کے ہاتھوں سیمی فائنل میں شکست ہوئی، جس کے بعد وہ اب برانز ميڈل کیلئے ميچ کھيليں گے

اپنا تبصرہ بھیجیں