پھالیہ: زمین کے تنازعہ پر مخالفین کی فائرنگ سے 1 شخص قتل

پھالیہ منڈی بہاوالدین روڈ پھالیہ جم خانہ کے بالمقابل برلب سڑک واقع دو کنال رقبہ کا کیس چوہدری ظفر اقبال گوندل اور میاں ریاست علی کے درمیان کئی سالوں سے عدالت میں زیر سماعت تھا، جس کا عدالت نے 24: اگست کو فیصلہ چوہدری ظفر گوندل کے حق میں سنا دیا.

جس پر چوہدری ظفر گوندل اپنے بھائی چوہدری سکندر گوندل کے ہمراہ موقع پر موجود تھا کہ کار پر سوار میاں ریاست علی اور تصور حسین سمیت چار نامعلوم ملزمان نے اندھا دھند فائرنگ شروع کردی فائرنگ کی زد میں آکر شدید زخمی ہونے والے چوہدری ظفر اقبال گوندل ڈسٹرکٹ اسپتال لے جاتے ہوئے راستے میں دم توڑ گئے واقعہ کی اطلاع ملتے ہی ایس ایچ او تھانہ پھالیہ سبطین نوید گوندل نفری کے ہمراہ موقع پر پہنچ گئے.

یہ بھی پڑھیں: منڈی بہاوالدین میں فائرنگ سے آج پھر 2 افرد قتل

پولیس نے لاش تحویل میں لے کر پوسٹ مارٹم کے لیے تحصیل ھیڈ کوارٹر اسپتال پھالیہ منتقل کر دی جبکہ تھانہ پھالیہ پولیس نے مقتول کے بھائی حاجی عمر حیات کی مدعیت میں چار کس نامعلوم سمیت چھ ملزمان کے خلاف مقدمہ درج کر کے ملزمان کی گرفتاری کے لیے کارروائی شروع کردی.

اپنا تبصرہ بھیجیں