Rizwan Ranjha

لاہور میں رنجیت سنگھ کا مجسمہ توڑ دیا گیا، نوجوان گرفتار

شاہی قلعہ لاہور میں راجہ رنجیت سنگھ کا مجسمہ ایک بار پھر توڑ دیا گیا۔ مجسمہ توڑنے والے ملزم کا تعلق منڈی بہاوالدین سے ہے. ملزم گرفتار

منڈی بہاوالدین (‌ایم.بی.ڈین نیوز 17 اگست 2021) پولیس نے رنجیت سنگھ کے مجسمے کو نقصان پہنچانے والے ملزم رضوان کو گرفتار کر لیا۔ سی سی پی او لاہور غلام محمود ڈوگر نے ایس پی سٹی کو فوری جائے وقوعہ کا دورہ کرنے کی ہدایت کرتے ہوئے کہا کہ ملزم کے خلاف سخت قانونی کارروائی عمل میں لائی جائے۔

ایم.بی.ڈین نیوز کے ذرائع کے مطابق مجسمہ توڑنے والے رضوان رانجھا کا تعلق ضلع منڈی بہاوالدین کے علاقہ کٹھیالہ شیخاں سے ہے جسےپولیس نے اپنی حراست میں لے لیا ہے. نوجوان نے کمر پر بیگ اور سفید شلوار قیمض اور سفید ٹوپی پہنی ہوئی تھی۔

اس موقع پر اس نے نعرہ حیدری یاعلیؓ اور لبیک یا رسول اللہؐ کے نعرے بھی لگائے۔ شاہی قلعہ انتظامیہ کے مطابق ملزم نے ہتھوڑے سے مجسمے کو نقصان پہنچایا اور عملے نے مشتعل نوجوان کو پکڑ کر پولیس کے حوالے کر دیا۔ رنجیت سنگھ کا مجسمہ پہلے بھی توڑا گیا تھا جسے بعد میں مرمت کرکے لگایا گیا تھا۔

یہ بھی پڑھیں: جوہر ٹاؤن دھماکے میں زیر استعمال گاڑی لاہورلانے والا مبینہ دہشت گرد منڈی بہاوالدین سے گرفتار

اپنا تبصرہ بھیجیں