شجرکاری مہم کے بڑے اہداف سے انحراف،کام تھوڑا نمائش زیادہ

منڈی بہاؤالدین(قیصرفرہاد سے) حکومت پنجاب کی ہدایت کے مطابق گرین پاکستان اورگرین پنجاب پروگرام کے تحت ضلع منڈی بہاؤالدین میں سرکاری سطح پر شجرکاری مہم کا سلسلہ جاری ہے ۔سرکاری اداروں میں پودے لگاکرمہم کا آغاز کیاگیا۔ضلع کے تمام انتظامی سربراہان سمیت حکومتی ایم ای اے اور ایم پی اے مختلف چھوٹے بڑے سرکاری اداروں میں پودے لگاکر خود کو بری الذمہ تصورکررہے ہیں ۔

حکومت پنجاب کی جانب سے ضلع منڈ ی بہاؤالدین میں لاکھوں کی تعداد میں پودے لگانے کا ٹاسک دیا گیا ہے مگر تاحال ضلع منڈی بہاؤالدین کی کسی بھی شاہراہ پر پودے لگانے کاکام شروع نہیں کیا گیا ہے۔صرف سرکاری اداروں میں چند پودے لگاکر بھرپور تصویری نمائش کی جارہی ہے جبکہ عوامی سطح پر بھی انتظامیہ کی طرف سے پودے لگانے کیلئے عملی طورپر آگاہی مہم کا آغازنہیں ہوا ہے ۔

عوامی حلقوں کی طرف سے خدشہ کا اظہار کیا گیا ہے کہ ماضی کی طرح اس بار بھی سرکاری فائلوں میں لاکھوں پودوں کی شجرکاری مکمل کرلی جائے گی اور فنڈز کا استعمال بھی ہوجائے گا مگر ضلع منڈی بہاؤالدین کے باسی صحت مند آب و ہوا سے محروم رہیں گے ۔

اپنا تبصرہ بھیجیں