کروناکیسز: تعلیمی اداروں میں گرمیوں کی چھٹیاں بڑھنےکا امکان

کرونا کیسز کے پھیلاؤ کو مدنظر رکھتے ہوئے وفاقی وزیر تعلیم شفقت محمود نے بین الصوبائی وزرائے تعلیم کی کانفرنس دوپہر 2 بجے طلب کرلی۔

وفاقی وزیر تعلیم کی زیر صدارت ہونے والے اجلاس میں چاروں صوبائی وزرائے تعلیم سمیت گلگت بلتستان کے وزیر بھی شرکت کریں گے۔ کرونا کیسز میں تشویشناک حد تک اضافے اور بچوں کے امتحانات کو مدنظر رکھتے ہوئے بلائی گئی ہے جس میں امتحانات اور چھٹیوں میں اضافے کا فیصلہ کیا جائے گا۔ دوسری جانب پنجاب حکومت نے15 اگست تک چھٹیوں میں اضافے کی تجویز دے رکھی ہے۔

کرونا ایس او پیز سمیت نئے تعلیمی سال سے متعلق حکمت عملی پر بھی غور ہوگا۔ واضح رہے کہ اين سی او سی کے مطابق ملک ميں کرونا کيسز کی شرح 7.8 رپورٹ کی گئی ہے۔ گزشتہ روز کرونا کے 52 ہزار291 ٹيسٹ کيے گئے جبکہ 24 گھنٹے ميں کرونا کے 4 ہزار 119 نئے کيسز رپورٹ ہوئے۔ یاد رہے کہ گزشتہ 24گھنٹے ميں کرونا سے مزيد 44مريض انتقال کرگئے جبکہ مجموعی اموات 23 ہزار131 ہوگئیں.

اپنا تبصرہ بھیجیں