پھالیہ: دولہا کی ہیلی کاپٹر میں انٹری، باراتیوں نے غیر ملکی کرنسی نچھاور کردی

منڈی بہاؤالدین(ویب ڈیسک) آپ نے بہت سی شاہانہ شادیاں دیکھیں ہو ں گی لیکن ایسی شادی آپ نے نہ تو کسی عام شہری کی دیکھی ہو گی اور نہ ہی وزیر یا پھر وزیر کے بیٹے/ بیٹیوں کی بھی۔

پنجاب کے علاقے منڈی بہاؤالدین کے محمد صدیق نامی امیر زادے نے اپنی بارات کیلئے کسی مہنگی کار کا انتخاب نہیں کیا بلکہ ہیلی کاپٹر کا انتخاب کیا اور اسی ہیلی کاپٹر سے ملکی و غیر ملکی لاکھوں روپوں کی کرنسی نچھاور کی اور اس موقع پر آسمان میں ہر طرف مختلف قسم کے نوٹ ہی نظر آتے رہے۔ محمد صدیق کی بارات ضلع منڈی بہاوالدین کی تحصیل پھالیہ میں واقع پھالیہ جم خانہ پہنچی.

یہ بھی پڑھیں: منڈی بہاؤالدین: مقامی تاجر کی بارات میں باراتیوں نے موبائل فونز لٹا دیئے

اس موقع پر گھر والے اور قریبی دوست احباب دولہے کی انٹری ہیلی کاپٹر پر دیکھ کے بے انتہا خوش ہو رہے تھے اور اپنے موبائل فون سے اس منظر کو ویڈیو کی صورت میں محفوظ کر رہے تھے۔ دولہا محمد صدیق کے مطابق اس ہیلی کاپٹر کا کرایہ 15 ہزار ڈالر ہے اور یہ رقم پاکستانی کرنسی میں 23 لاکھ 90 ہزار بنتی ہے۔واضح رہے کہ محمد صدیق کویت میں ایک نجی کنسٹرکشن کمپنی کے مالک ہیں۔

اپنا تبصرہ بھیجیں