مسلح افواج کے ملازمین کو 15فیصد خصوصی الاؤنس دینےکی تجویز

مسلح افواج کے ملازمین کو 15فیصد خصوصی الاؤنس دینے کے لیے وزارت خزانہ نے وفاقی کابینہ کو سمری منظوری کے لیے بھجوا دی۔

دستاویز کے مطابق مجوزہ ریلیف کو خصوصی الاؤنس 2021 کا نام دیا گیا ہے۔ سمری منظور ہونے کی صورت میں سالانہ 38ارب روپے خرچ ہوں گے۔ سمری پے اینڈ پینشن کمیشن کی سفارش پر تیار کی گئی۔ حکام وزارت خزانہ کے مطابق وزیراعظم نے معاملہ وفاقی کابینہ میں لانے کی ہدایت کر دی ہے۔

دستاویز کے مطابق مسلح افواج کے تمام رینکس کے ملازمین کو بنیادی تنخواہ پر 15فیصد الاؤنس دینے کی تجویز ہے۔ سالانہ بجٹ میں، حکومت نے تمام سول اور فوجی ملازمین کی تنخواہوں میں 10 فیصد اضافے کا اعلان کیا تھا۔ نیا ’’خصوصی الاؤنس‘‘ اگر منظور ہوا تو ان کی تنخواہوں میں 25فیصد اضافہ ہوگا

اپنا تبصرہ بھیجیں