منڈی بہاؤالدین پولیس کے قومی رضاکاران میں 77 لاکھ کے چیک تقسیم کئے گئے

منڈی بہاؤالدین/ پولیس قومی رضاکاران میں چیک تقسیم کئے گئے. ٹی اے بل اور وردی الائونس کے واجبات بذریعہ کراس چیک 77 لاکھ 15 ہزار 100 روپے کی خطیر رقم تقسیم کی گئی

منڈی بہاوالدین (‌ایم.بی.ڈین نیوز 7 جولائی 2021) ڈسٹرکٹ پولیس آفیسر منڈی بہاؤالدین ساجد حسین کھوکھر نے تھانہ جات میں تعینات پولیس قومی رضا کاران کو ٹی اے بل اور وردی الائونس کے واجبات بذریعہ کراس چیک تقسیم کئے، قومی رضاکاران پولیس فورس کا حصہ ہیں پولیس ان قومی رضاکاروں کے ساتھ ملکر جرائم پیشہ عناصر کے خلاف سرگرم عمل ہے ان کی خدمات قابل تحسین ہیں.

پولیس قومی رضا کاران نے ہر موقع پر منڈی بہاؤالدین پولیس کا ساتھ دیا جہاں بھی کوئی سپیشل ڈیوٹی آئی جیسے کہ الیکشن، محرم الحرام، رمضان المبارک ودیگر ان قومی رضاکاران نے منڈی بہائوالدین پولیس کا بڑھ چڑھ کا ساتھ دیا ہے۔ ضلع بھر کے تھانوں میں تعینات 292قومی رضاکاران میں 77 لاکھ 15 ہزار100 روپے ٹی اے بل کے چیک تقسیم کیے گئے ہیں۔پولیس قومی رضاکاران اپنی ڈیوٹی احسن طریقہ سے سرانجام دے رہے ہیں.

292اہلکار منڈی بہاؤالدین پولیس کے ساتھ رضاکارانہ ڈیوٹی سرانجام دے رہے ہیں، قومی رضاکاروں کی منڈی بہاؤالدین پولیس اور عوام کے لیے خدمات قابل تحسین ہیں ان کی ویلفیئر کا ہر طرح سے خیال رکھا جائے گا.

اپنا تبصرہ بھیجیں