سول ہسپتال پھالیہ سٹاف کالونی کی غیر قانونی بجلی کاٹنے پر ایکسین گیپکو پھالیہ کے خلاف لوگوں کا شدید احتجاج

پھالیہ (بیوروچیف )تحصیل ہیڈ کوارٹر ہسپتال پھالیہ کی سٹاف کالونی کی غیر قانونی بجلی کاٹنے پر ایکسین گیپکو پھالیہ نادر خان کے خلاف لوگوں کا شدید احتجاج سڑک بلاک کر دی اسسٹنٹ کمشنر پھالیہ کی یقین دہانی پر احتجاج ختم کردیا گیا ۔

تفصیلات کے مطابق ایکسین گیپکو پھالیہ نادر خان نے علی الصبح تحصیل ہیڈ کوارٹر ہسپتال پھالیہ کی سٹاف کالونی کی بجلی کاٹ دی جس پر سینئر صحافی سید حفیظ سبزواری کی قیادت میں ہسپتال کے سامنے سڑک بلاک کر کے شدید احتجاج کیا گیا ایکسین گیپکو پھالیہ نادر خان کے خلاف نعرہ بازی کی گئی ۔احتجاجی مظاہرین سے خطاب کرتے ہوئے سید حفیظ سبزواری نے کہا کہ ہسپتال کی کالونی کے کسی بھی کوارٹر کے کوئی بقایاجات نہ ہیں اس کے باوجود نادر خان کے حکم پر تمام کالونی کی بجلی منقطع کر دی گئی ہے جو کہ ظلم و زیادتی اور ناانصافی ہے ہمارا مطالبہ ہے کہ ایکسین گیپکو نادر خان کو فی الفور معطل کیا جائےاور اسے ضلع بدر کیا جائے ۔

ایس ایچ او تھانہ پھالیہ سبطین نوید اپنی نفری کے ساتھ موقع پر پہنچے اور اسسٹنٹ کمشنر پھالیہ ساجد منیر کلیار سے رابطہ کیا ۔جس پر اسسٹنٹ کمشنر پھالیہ ساجد منیر کلیار نے کال کرکے سید حفیظ سبزواری کو یقین دلایا کہ احتجاج ختم کرا دیں بجلی جلد بحال کرا دی جائے گی اسسٹنٹ کمشنر پھالیہ ساجد منیر کلیار کی یقین دہانی پر احتجاج ختم کردیا گیا

اپنا تبصرہ بھیجیں