پاکستانی سائنسدانوں کیلئے ایوارڈز کا اعلان

جوہری توانائی کے عالمی ادارے آئی اے ای اے اور ایف اے او کی جانب سے پاکستانی اداروں اور سائنس دانوں کیلئے ایوارڈ کا اعلان کیا گیا ہے۔ترجمان دفتر خارجہ کے مطابق پاکستان کو زرعی سائنسی تحقیق میں ایوارڈ سے نوازا جائے گا۔ یہ ایوارڈ پاکستان کی زرعی تحقیق کی کامیابی کا اعتراف ہے۔

ترجمان کا یہ بھی کہنا تھا کہ پاکستان اٹامک انرجی کے کاشف ریاض نوجوان سائنسدان کے ایوارڈ کیلئے نامزد کیے گئے ہیں، جب کہ سائنسدان منظور حسین، ریاض خان، سجاد حیدر اور حافظ ممتاز کو بھی ایوارڈ دیا جائے گا۔ ترجمان دفتر خارجہ کا کہنا تھا کہ یہ ایوارڈ پاکستانی اداروں اور سائنسدانوں کی شاندار خدمات کیلئے بڑا اعزاز ہے۔

یہ ایوارڈ پلانٹ موٹیشن بریڈنگ اور متعلقہ بائیو ٹیکنالوجیز میں اہم کامیابیوں پر دیا جا رہا ہے۔ واضح رہے کہ ان ایوارڈز کا باضابطہ اعلان آئی اے ای اے جنرل کانفرنس کے آئندہ سالانہ ریگولر سیشن کے دوران کیا جائے گا، جو رواں سال 20سے 24ستمبر تک آئی اے ای اے ہیڈ کوارٹرز ویانا میں منعقد ہو رہا ہے

اپنا تبصرہ بھیجیں