قادرآباد: لڑائی میں صلح کروانے والا شخص ڈنڈا لگنے سے جاں بحق

منڈی بہاؤالدین، قادرآباد میں صلح کی کوشش کرنے والا شخص مضروب ہو کر انتقال کر گیا۔

منڈی بہاوالدین ( ایم.بی.ڈین نیوز 21 جون 2021) تفصیل کے مطابق قادرآباد بازار میں اجمل کی دوکان کے سامنے لڑکے لڑ رہے تھے۔ اجمل نے لڑائی ختم کرانے کی کوشش کی تو ایک لڑکے نے اس کے سر پر بلا دے مارا جس کے باعث اجمل شدید زخمی ہو گیا جسے قریبی ہسپتال منتقل کیا گیا. دو دن ہسپتال میں رہنے کے بعد اجمل زخموں کی تاب نا لاتے ہوئے انتقال کر گیا۔

محمد اجمل، قادرآباد کی معروف شخصیت ماسٹر اسلم عابد صاحب کے چھوٹے بھائی تھے۔ قادرآباد کی تاجر برادری نے انتظامیہ سے اپیل کی ہے کہ ملزمان کو جلد از جلد گرفتار کیا جائے۔ آج جنازے کے وقت پورا قادرآباد بازار بند کر دیا گیا۔

اپنا تبصرہ بھیجیں