منڈی بہاءالدین: ریجنل پولیس آفیسر گوجرانوالہ ڈویژن راو عبدالکریم نے پولیس ویلفیئر کاونٹر کا افتتاح کر دیا

منڈی بہاءالدین ریجنل پولیس آفیسر گوجرانوالہ ڈویژن راو عبدالکریم نے پولیس ویلفیئر کاونٹر کا افتتاح کر دیا، پولیس ملازمین کی فلاح و بہبود کیلئے حکومت پنجاب ٹھوس اقدامات کر رہی ہے، ہمیں چاہیے کہ محکمہ پولیس کے وقار کو عوام میں برقرار رکھنے کیلئے مثبت کردار ادا کریں آر پی او عبدالکریم کی ملازمین سے گفتگو

منڈی بہاءالدین ( ایم.بی.ڈین نیوز 10 جون 2021) ریجنل پولیس آفیسر گوجرانوالہ ڈویژن راو عبدالکریم نے دورہ کیا اس موقع پر انہوں نے پولیس ملازمین کی فلاح و بہبود کیلئے قائم کیے جانے والے پولیس ویلفیئر کاونٹر کا افتتاح کیا، انکے ہمراہ ڈسٹرکٹ پولیس آفیسر انور سعید کنگرا بھی تھے، انہوں نے پولیس ملازمین سے گفتگو کرتے ہوئے کہا کہ پولیس ویلفیئر کاونٹر کا مقصد ایک چھت کے نیچے پولیس ملازمین کو تمام سہولیات کی یکساں فراہمی کو یقینی بنانا ہے.

ریجنل پولیس آفیسر گوجرانوالہ ڈویژن راو عبدالکریم نے کہا کہ پولیس ویلفیئر کاونٹر میں پولیس ملازمین کو رخصت، سنیارٹی، پروموشن، جی پی فنڈ، میڈیکل، انتظامی امور، ٹی اے ڈی اے، انوسٹگیشن بلز، تنخواہ، الاونسز، ریٹائرمنٹ، پنشن، شہداء کی فیملی، اپیل، مالی امداد، آئی جی افس سے متعلق ویلفیئر کے معاملات کو ون ڈور سٹپ پر انجام دیا جائے گا.

ریجنل پولیس آفیسر گوجرانوالہ ڈویژن راو عبدالکریم نے کہا کہ حکومت پنجاب جس طرح محکمہ پولیس کی بہتری کیلئے کام کر رہی ہے ہمیں چاہیے کہ عوام دوست پولیس کا کردار ادا کریں اور روایتی طریقہ کار سے ہٹ کر شہریوں کے جان ومال، عزت کے تحفظ کو یقینی بناتے ہوئے محکمہ کے وقار میں اضافہ کریں، ڈی پی او انور سعید کنگرا نے انہیں انتظامی امور پر بریفنگ دی.

اپنا تبصرہ بھیجیں