ڈسٹرکٹ اینڈ سیشن جج منڈی بہاوالدین نے جوڈیشل کمپلیکس ملک وال میں سہولت سنٹر کا باقاعدہ افتتاح کر دیا

ملک وال(نامہ نگار)ڈسٹرکٹ اینڈ سیشن جج منڈی بہاوالدین راجہ پرویز اختر نے حکومتی پالیسی کے مطابق جوڈیشل کمپلیکس ملک وال میں عوام اور وکلاء کی آسانی کیلئے سہولت سنٹر کا باقاعدہ افتتاح کر دیا

سہولت سنٹر سے عام شہری اور وکلاء عدالتی امور سے متعلقہ مصدقہ کاغذات ایف آئی آرز و میڈیکولیگل کی کاپیز اور وکالت ناموں کی تصدیق کروا سکیں گے، سہولت سنٹر کا سب سے بڑا فائدہ یہ بھی ہوگا کہ عوام اور وکلا کو تھانے، ہسپتال اور جیل کے چکروں سے نجات مل جائے گی.

ڈسٹرکٹ اینڈ سیشن جج راجہ پرویز اختر نے بار روم میں صدر بار ملک وال ایسوسی ایشن اشرف ضیا ایڈووکیٹ کے مطالبات پر لائبریری، جوڈیشل کمپلیکس کے لیے پختہ سڑک اور وکلا چمبرز میں بجلی کی فراہمی کے لیے ٹرانسفارمر کی تنصیب کا بھی اعلان کیا جبکہ شہریوں اور وکلاء کے لیے واٹر فلٹریشن پلانٹ نصب کرنے کے احکامات جاری کئے، اس موقع پر مقامی جوڈیشل افسران اور وکلا بھی موجود تھے ۔

اپنا تبصرہ بھیجیں