ملکوال: گڑھ قائم میں بااثر زمیندار نے بکریاں کھیتوں میں داخل ہونے پر کمسن چرواہے کو زنجیروں سے باندھ دیا

ملکوال کے علاقہ گڑھ قائم میں بااثر زمیندار نے بکریاں کھیتوں میں داخل ہونے پر کمسن چرواہے کو زنجیروں سے باندھ دیا. میانہ گوندل پولیس

منڈی بہاوالدین (‌ایم.بی.ڈین نیوز یکم جون 2021) ملکوال کے علاقہ گڑھ قائم میں 14 سالہ غریب چرواہا محمد عثمان اپنی بھیڑ بکریاں چرا رہا تھا گرمی اور پیاس کی وجہ سے وہ پانی پینے گیا تو بکریاں زمیندار عبد الجبار گجر کے کھیت میں داخل ہو گئیں جس پر زمیندار مشتعل ہو گیا اور اس نے کمسن چرواہے کو پکڑ کر اپنے ڈیرے پر لے جا کر زنجیر سے باندھ دیا زمیندار نے چرواہے کی رہائی کیلئے اس کے ورثا سے 30 ہزار روپے کا مطالبہ کیا کہ بکریوں نے اس کی فصل خراب کر دی ہے.

پولیس تھانہ میانہ گوندل نے چرواہے کے چچا محمد اعجاز جی درخواست پر دو ملزمان عبد الجبار گجر اور افتخار احمد گجر کیخلاف مقدمہ درج کر کے ملزموں کو گرفتار جبکہ کمسن چرواہے کو بازیاب کروا لیا

اپنا تبصرہ بھیجیں