ملکوال پولیس نے 4سالہ کمسن بچی بازیاب کر کے والدین کے حوالے کر دی

منڈی بہاؤالدین/ گمشدہ بچی والدہ کے حوالے/ورثا کا خراج تحسین/پھولوں کے ہار پہنائے/ مائیں کم عمر بچوں کا خیال رکھیں والدہ کا اظہار خیال

منڈی بہاوالدین (‌ایم.بی.ڈین نیوز 22 مارچ 2021) کوٹلی کلاں ملکوال کے رہائشی محمد ندیم نے تھانہ ملکوال پولیس کو اطلاع دی کہ اس کی کمسن بیٹی عروا بعمر 4 سال گھر سے باہر کھیلنے کے لئے نکلی اور گھر واپس نہ آئی ہے بچی کو کسی نے اغوا کر لیا ہے ، کم سن بچی کے اغوا کی اطلاع پر واقعہ کی سنگینی کو مد نظر رکھتے ہوئے ڈسٹرکٹ پولیس آفیسر منڈی بہاؤالدین سید علی رضا نے فوری طور پر نوٹس لیتے ہوئے ڈی ایس پی سرکل ملکوال اور ایس ایچ او تھانہ ملکوال کو کمسن بچی بازیاب کر کے والدین کے حوالے کرنے کا حکم دیا،

تھانہ ملکوال میں مقدمہ درج کیا گیا اور پولیس ٹیم نے کمسن بچی کی تلاش شروع کر دی، علاقہ تھانہ ملکوال اور گردونواح سےلوگوں سے پوچھ گچھ ، مساجد میں اعلانات اور تمام سی سی ٹی وی کیمرہ جات کی چیکنگ کی گئی، کمسن بچی کے واقعہ پر ڈی پی او سید علی رضا ڈی ایس پی سرکل ملکوال اور ایس ایچ او تھانہ ملکوال سے لمحہ بہ لمحہ پوچھ گچھ کرتے رہے بالآخر پولیس ٹیم کی دن رات محنت سے پولیس ٹیم نے بچی کو تلاش کر لیا،

ڈی پی او منڈی بہاؤالدین سید علی رضا نے کمسن عروا کو والدہ سے ملوا دیا، والدین نے منڈی بہائوالدین پولیس کو زبردست خراج تحسین پیش کرتے ہوئے پھولوں کے ہار پہنائے اور شکریہ ادا کیا۔اس موقع پر کمسن عروا کی والدہ نے کہا کہ اس کے سمیت تمام مائوں کا یہ فرض بنتا ہے کہ کمسن بچوں کو گھر سے باہر مت نکلنے دیں۔ کمسن عروا گھر سے باہر کھیلنے نکلی،راستہ بھول گئی، نام پتہ نہ بتا سکتی تھی،گھر کے نزدیکی ریلوے سٹیشن سے ٹرین میں بیٹھ گئی اور سرگودھا پہنچ گئی جسے کسی نے اغوا نہ کیا تھا بلکہ راستہ بھول گئی

اپنا تبصرہ بھیجیں