ملکوال (عابد حسین عابدی سے) ذخیرہ اندوز قانون کے شکنجے میں پھنسنے لگے ملکوال کے نواحی گاؤں ماجھی میں اسپیشل برانچ کی اطلاع پر تحصیلدار ملکوال طاہر حسین نے محکمہ پنجاب فوڈ اتھارٹی کے ہمراہ اسلم نامی شخص کے گودام پر چھاپا مار کر غیر قانونی ذخیرہ کی گئی گندم کی 500 بوری برآمد کرلی اور گودام کے مالک کو 10ہزار جرمانے کرتے ہوئے تمام گندم ضبط کرکے تمام تر قانونی تقاضے پورے کرنے کے بعد محکمہ فوڈ اتھارٹی کے حوالے کردی.
پنجاب گورنمنٹ نے آٹا کا مصنوعی بحران پیدا کرنے والے مافیا کو لگام ڈالنے کے لئے ذخیرہ اندوزوں کے خلاف آہنی ہاتھوں سے پیش آنے کے احکامات جاری کر رکھے ہیں اس سے قبل متعدد بار ذخیرہ اندوزوں کو وارننگ بھی دی گی لیکن اس کے باوجود ذخیرہ اندوز مافیا اپنی ہٹ دھرمی پر قائم ہے جس پر اسپشل برانچ محکمہ پنجاب فوڈ اتھارٹی اور مقامی انتظامیہ نے مافیا کا قبلہ درست کرنے کے لئے بھرپور کاروائیاں شروع کردی ہیں.
ذخیرہ اندوزوں کی ذخیرہ کی گئی اجناس کو ضبط کرنے کیساتھ ساتھ بھاری جرمانے کئے جارہے ہیں جس پر عوام نے اداروں پر اطمینان کا اظہار کرتے ہوئے خراج تحسین پیش کیا
