خبروں کی اشاعت پر تفتیشی افسر نے گرفتار ہونے والے دو ڈاکوؤں کی گرفتاری درج کر کے ریمانڈ حاصل کر لیا

Arrest jail police

خبروں کی اشاعت پر تفتیشی افسر نے کئی روز قبل گرفتار ہونے والے دو ڈاکوؤں انس اور بلال کی گرفتاری درج کر کے ریمانڈ حاصل کر لیا جبکہ تفتیشی افسر خبروں کی اشاعت پر آگ بگولا ہو گیا ، ریمانڈ کے بارے تفصیلات لینے کے لیے رابطہ کرنے پر بدتمیزی پر اتر آیا۔


ملک وال(نامہ نگار) گذشتہ روز ڈکیتی مقدمہ کے مدعی اشتیاق احمد نے صحافیوں کو بتایا کہ ڈکیتی کے دوران مجھ سے موٹر سائیکل موٹر سائیکل اور دیگر اشیا چھیننے والے دو ڈاکوؤں کو پولیس تھانہ ملک وال نے چند روز قبل گرفتار کر کے ان سے چھینا گیا موٹر سائیکل اور دیگر اشیا برآمد کر لی تھیں لیکن تفتیشی افسر ان سے تفتیش کرنے کی بجائے مجھ پر ملزموں کے ساتھ صلح کرنے کیلئے دباؤ ڈالتا رہا مدعی اشتیاق احمد نے الزام عائد کیا کہ تفتیشی انور سیرا ڈکیتی میں چھینا گیا سامان برآمد کرنے کی بجائے ملزموں کا معاون بن گیا۔ تاہم اخبارات میں خبر شائع ہونے پر تفتیشی افسر سب انسپکٹر انور سیرا نے گرفتاری ڈال کر گزشتہ روز عدالت سے ملزموں کا دو روز ہ ریمانڈ لیا ہے ۔ اس سلسلہ میں ایک صحافی نے تفصیلات حاصل کرنے کے لیے سب انسپکٹر انور سیرا سے رابطہ کیا تو وہ بپھر گیا اور کہا کہ آپ مجھ پر ڈی پی او نہیں لگے ہوئے جو مجھ سے ریمانڈ اور گرفتاری کے بارے میں معلومات حاصل کر رہے ہیں ۔۔۔۔۔

اپنا تبصرہ بھیجیں