Search results for: “واٹس ایپ”

فوری پیغام رسانی کی ایپلی کیشن واٹس ایپ اپنے صارفین کے لیے اسٹیٹس فیچر میں ایک اہم اضافہ کرنے جا رہی ہے۔

میٹا کی ذیلی ایپ جلد ہی اپنے صارفین کے لیے سٹیٹس میں میوزک شامل کرنے کی صلاحیت متعارف کرائے گی۔ فیچر کو فی الحال اینڈرائیڈ اور آئی او ایس ورژن پر منتخب بیٹا صارفین کے ذریعے آزمایا جا رہا ہے۔

یہ فیچر صارفین کے لیے میٹا کے ذیلی ادارے فوٹو اور ویڈیو شیئرنگ پلیٹ فارم انسٹاگرام پر پہلے سے ہی دستیاب ہے، جس کا استعمال کرتے ہوئے وہ اپنی سٹوریز میں میوزک شامل کر سکتے ہیں۔

WhatsApp Beta Info کے مطابق، پلیٹ فارم فی الحال اینڈرائیڈ صارفین کے لیے فیچر پر کام کر رہا ہے۔ یہ تجرباتی فیچر فی الحال صرف ان صارفین کے لیے دستیاب ہے جن کے پاس واٹس ایپ بیٹا اینڈرائیڈ ورژن 2.25.2.5 انسٹال ہے اور جلد ہی اینڈرائیڈ صارفین کے لیے جاری کیا جائے گا۔

WhatsApp Beta Info نے یہ اشارہ بھی دیا ہے کہ iOS Beta 25.1.10.73 اپ ڈیٹ iOS صارفین کے لیے اسی فیچر کو متعارف کرانے جا رہا ہے۔

انسٹنٹ میسجنگ ایپلی کیشن واٹس ایپ نے ایک خفیہ ایموجی فیچر متعارف کرایا ہے جو صارفین کے لیے صرف 15 دنوں کے لیے دستیاب ہوگا۔

واٹس ایپ کا کہنا ہے کہ محدود وقت کے لیے، کمپنی ایموجی بٹن کے ساتھ رد عمل ظاہر کرتے وقت ایک خاص اینیمیشن متعارف کر رہی ہے۔ اپ گریڈ کا مقصد صارفین کو واٹس ایپ پر نئے سال کا جشن منانے اور بات چیت میں گرمجوشی لانے میں مدد کرنا ہے۔

کمپنی نے پانچ ایموجیز متعارف کرائے ہیں جو 20 دسمبر سے 3 جنوری تک خصوصی اینیمیشن پیش کر سکیں گے۔ اگر صارفین ان میں سے کسی کو بھی ردعمل کے لیے استعمال کرتے ہیں، تو ایک اینیمیشن ظاہر ہوگی۔

ان ایموجیز میں کنفیٹی بال، فیس ود پارٹی ہارن اور پارٹی ہیٹ، پارٹی پاپر، پوپنگ کارک والی بوتل اور کلینکنگ گلاسز شامل ہیں۔ اگر یہ ابھی تک کسی صارف کی ایپ میں ظاہر نہیں ہوا ہے، تو ممکن ہے ایپ کو اپ ڈیٹ نہ کیا گیا ہو۔

انسٹنٹ میسجنگ ایپلی کیشن واٹس ایپ اگلے سال مئی سے کئی آئی فون ڈیوائسز پر کام کرنا بند کر دے گی۔

5 مئی سے، WhatsApp 15.1 سے پرانے iOS ورژن چلانے والے آئی فون ڈیوائسز پر مزید دستیاب نہیں ہوگا۔ اس کا مطلب ہے کہ آئی فون 5 ایس، آئی فون 6، اور آئی فون 6 پلس صارفین واٹس ایپ استعمال نہیں کر سکیں گے۔

WhatsApp فی الحال Android 5.0 اور اس سے اوپر والے آلات اور iOS 12 اور اس سے اوپر والے iPhones پر دستیاب ہے۔ تاہم، تکنیکی جدت کو یقینی بنانے کے لیے، WhatsApp پرانے آپریٹنگ سسٹمز پر ایپ کے لیے سپورٹ ختم کرنا شروع کر دے گا۔

واٹس ایپ کے اس اقدام سے اینڈرائیڈ صارفین متاثر نہیں ہوں گے اور وہ ایپ کو معمول کے مطابق استعمال کر سکیں گے۔

یکم جنوری 2023 سے کروڑوں موبائل فونز پر واٹس ایپ کام نہیں کرے گا۔ واٹس ایپ اپنے پیاروں سے رابطے کے لیے دنیا کی مقبول ترین موبائل ایپلی کیشن ہے، جس کے صارفین کی تعداد ایک ارب سے زائد بتائی جاتی ہے۔

میٹا کی ملکیت والی ایپ جدید ترین سسٹم سافٹ ویئرز کو سپورٹ کرنے اور ان سے مطابقت کے لیے اپ ڈیٹس بھی تیار کرتی ہے چاہے وہ اینڈرائیڈ، آئی او ایس یا پھر ویب ہو۔ اسی وجہ سے ہر سال واٹس ایپ پرانے آپریٹنگ ورژنز کے لیے اپنی سپورٹ بند کر دیتا ہے تاکہ صارفین بھی نئی اپ ڈیٹس پر توجہ دے سکیں۔

یہ بھی پڑھیں: واٹس ایپ نے ڈیلیٹ میسیج واپس لانے کا نیا فیچر متعارف کرا دیا

اس سال بھی 31 دسمبر کے بعد سے اینڈرائیڈ اور آئی فونز کے ماڈل سمیت پرانے آپریٹنگ سسٹمز پر چلنے والے کروڑوں پرانے اسمارٹ فونز کے لیے اپنی سپورٹ ختم کررہا ہے۔ بین الاقوامی میڈیا رپورٹس کے مطابق یکم جنوری 2023 سے ایپل (Apple)، سام سنگ (Samsung) ، ہواوے (Huawei) اور ایل جی (LG) جیسی بین الاقوامی کمپنیوں کے درجنوں ماڈلز واٹس ایپ کو سپورٹ نہیں کریں گے۔

صارفن کی سہولت کے لئے ایپل اور اینڈرائیڈ اسمارٹ فونز کے ان ماڈلز کی فہرست پیش کررہے ہیں جن پر یکم جنوری 2023 سے واٹس ایپ سپورٹ نہیں کرے گی۔

How To Know If Someone Blocked You On WhatsApp

آئی فون
یکم جنوری 2023 سے آئی فون 5(iPhone 5) اور آئی فون 5سی (iPhone 5c ) واتس ایپ کو سپورٹ نہیں کرسکیں گے۔

سام سنگ (Samsung)
سام سنگ کے جو ماڈلز یکم جنوری سے ممکنہ طور پر واٹس ایپ کو سپورٹ نہیں کریں گے جن میں گلیکسی ایس 2 (Samsung Galaxy Ace 2)، گلیکسی کور (Samsung Galaxy Core)، گلیکسی S2 (Samsung Galaxy S2)، گلیکسی S3 منی (Samsung Galaxy S3 mini)، گلیکسی ٹرینڈ 2 (Samsung Galaxy Trend II)، گلیکسی ٹرینڈ لائٹ (Samsung Galaxy Trend Lite)، اور گلیکسی ایکس کور 2 (Samsung Galaxy Xcover 2) شامل ہیں۔

ہواوے (Huawei)
چین کی سب سے مقبول موبائل فون کمپنی ہواوے کے جو ماڈلز یکم جنوری 2023 سے واٹس ایپ کو سپورٹ نہیں کرسکیں گے، ان میں اسسینڈ ڈی (Ascend D)، اسسینڈ ڈی 1 (Ascend D1)، اسسینڈ ڈی 2 (Ascend D2)، اسسینڈ گی 740 (Ascend G740)، اسسینڈ میٹ (Ascend Mate) اسسینڈ پی 1 (Ascend P1) اور کواڈ XL (Quad XL)شامل ہیں۔

ایل جی (LG)
انیکٹ (LG Enact)، لوسڈ 2(LG Lucid 2)، آپٹیمس 4X HD(LG Optimus 4X HD)، آپٹیمس F3 (LG Optimus F3)، آپٹیمس F3Q (LG Optimus F3Q)، آپٹیمس F5 (LG Optimus F5)، آپٹیمس F5 (LG Optimus F6)، آپٹیمس F7 (LG Optimus F7)، آپٹیمس L2 II (LG Optimus L2 II)، آپٹیمس L3 II (LG Optimus L3 II)، آپٹیمس L3 II ڈوئل (LG Optimus L3 II Dual)، آپٹیمس L4 II (LG Optimus L4 II)، آپٹیمس L4 II ڈوئل (LG Optimus L4 II Dual)، آپٹیمس L5 (LG Optimus L5)، آپٹیمس L5 ڈوئل (LG Optimus L5 Dual)، آپٹیمس L5 II (LG Optimus L5 II)، آپٹیمس L7 (LG Optimus L7)، آپٹیمس L7 I (LG Optimus L7 I)،آپٹیمس L7 II ڈوئل (LG Optimus L7 II Dual) اور آپٹیمس نائٹرو HD (LG Optimus Nitro HD) پریکم جنوری سے واٹس ایپ فعال نہیں رہ پائے گا۔

سونی (Sony)
یکم جنوری 2023 سے سونی کے بھی ہزاروں اسمارٹ موبائل فون ممکنہ طور پر واٹس ایپ کو سپورٹ نہیں کرپائیں گے۔ ان ماڈلز میں ایکسپیریا آرک S(Sony Xperia Arc S)، ایکسپیریا میرو (Sony Xperia miro) اور ایکسپیریا نیو L (Sony Xperia Neo L) شامل ہیں۔

دیگر
لینوو A820 (Lenovo A820)، ایچ ٹی سی ڈیزائر 500(HTC Desire 500)، آرکوز 53 پلاٹینئم (Archos 53 Platinum) اور گرینڈ S فلیکس ZTE (Grand S Flex ZTE) میں بھی واٹس ایپ کام نہیں کرے گا۔

سماجی رابطوں کی ایپ واٹس ایپ نے ڈیلیٹ کئے گئے پیغام کو واپس ونڈو چیٹ پر لانے کا نیا فیچر متعارف کرادیا۔ معروف ایپلی کیشن واٹس ایپ کی جانب سے نیا فیچر دسمبر کے آغاز پر متعارف کرایا گیا مگر یہ تمام صارفین کیلئے نہیں تھا تاہم اب واٹس ایپ نے اس فیچر کا باضابطہ اعلان کردیا ہے۔

یہ بھی پڑھیں: واٹس ایپ کا نیا فیچر؛ پرانا میسج با آسانی ڈھونڈیں

واٹس ایپ کا نیا فیچر ڈیسک ٹاپ، اینڈرائیڈ اور آئی فون کے تمام صارفین کیلئے پیش کیا گیا ہے۔ عموماً صارفین کسی میسیج کو ڈیلیٹ کرتے ہوئے غلطی سے ڈیلیٹ فار ایوری ون کی بجائے ڈیلیٹ فار می کر دیتے ہیں، جس سے پیغام صرف ان کے پاس سے ڈیلیٹ ہو جاتا ہے مگر دوسرے صارف تک پہنچ جاتا ہے۔

How To Know If Someone Blocked You On WhatsApp

اب ایسا نہیں ہوگا اور غلطی کا احساس ہونے پر ڈیلیٹ شدہ میسیج کیساتھ ان ڈو کا آپشن آئے گا، جسے دبانے سے ڈیلیٹ کیا گیا پیغام اسکرین پر واپس آجائے گا۔ یہاں یہ امر قابل ذکر ہے کہ میسیج کو ڈیلیٹ کرنے کے بعد انڈو کا آپشن صرف چند سیکنڈز کیلئے ہی موجود رہے گا، اس کے بعد یہ آپشن غائب ہوجائے گا۔

ہیکرز نے دنیا بھر میں واٹس ایپ کے تقریباً 50 کروڑ صارفین کا ڈیٹا ہیک کرکے بلیک مارکیٹ میں فروخت کے لیے پیش کردیا۔

عالمی خبر رساں ادارے کے مطابق ہیکرز نے مبینہ طور پر 84 ممالک سے تعلق رکھنے والے تقریباً 50 کروڑ واٹس ایپ صارفین کے فون نمبرز ہتھیالیے اور اس ڈیٹا بیس کو حال ہی میں ایک ہیکنگ کمیونٹی فورم پر فروخت کے لیے پیش کردیا۔

یہ بھی پڑھیں: واٹس ایپ صارفین کو ایپلی کیشن فوری اپ ڈیٹ کرنے کی ہدایت

خیال رہے کہ اس وقت تقریباً 2 ارب لوگ واٹس ایپ کا پلیٹ فارم استعمال کر رہے ہیں۔ اس کا مطلب یہ ہے کہ لیک ہونے والے ڈیٹا بیس میں واٹس ایپ کے ایک چوتھائی صارفین کے فون نمبرز ہیں۔ ہیک ہونے والے نمبروں میں سے 3 کروڑ 20 لاکھ امریکی، ساڑھے 4 کروڑ مصری، 5 کروڑ اٹلی، 2 کروڑ 90 لاکھ سعودی عرب، 1 کروڑ 10 لاکھ برطانوی اور ایک کروڑ فون نمبرز روسی صارفین کے ہیں۔

سائبرنیوز کے مطابق ان نمبرز کو فروخت کرنے والوں نے یہ نہیں بتایا کہ انہوں نے ڈیٹا بیس کیسے حاصل کیا تاہم ان کا دعویٰ تھا کہ یہ ڈیٹا اکٹھا کرنے کے لیے اپنی حکمت عملی کا استعمال کیا۔

How To Know If Someone Blocked You On WhatsApp

دوسری جانب تجزیہ کاروں کا کہنا ہے کہ ہیکرز نے تکنیکی طور پر واٹس ایپ کو “ہیک” نہیں کیا تھا، لیکن “ویب اسکریپنگ” کے ذریعے ڈیٹا اکٹھا کیا تھا جس میں ویب صفحات کی تصدیق کے لیے ایک خودکار اسکرپٹ چلانا شامل ہے جس کے لیے نمبر واٹس ایپ کے لیے استعمال ہو رہے ہیں۔

یہ معلوم کرنے کا کوئی طریقہ نہیں ہے کہ آیا آپ کا فون نمبر اس ڈیٹا بیس میں ہے اگرچہ مارک زکربرگ کا کہنا ہے کہ واٹس ایپ اب بھی انتہائی محفوظ ہے، لیکن صارفین واٹس ایپ سیٹنگز میں جاکر ” پیغام آخری بار دیکھا (Last Seen)، ’’آن لائن”، “پروفائل فوٹو”، اور “About” کو”contacts only” میں تبدیل کر کے ہیکنگ سے محفوظ رہ سکتے ہیں۔

مارک زکر برگ نے یہ نہیں بتایا کہ مارکیٹ میں فروخت کے لیے پیش ہونے والا واٹس ایپ صارفین کا ڈیٹا کب ہیک ہوا تھا اور اس کے سدباب کے لیے کمپنی نے کیا اقدامات اُٹھائے ہیں۔