اسلام آباد، لاہور (نیوزرپورٹر، ہیلتھ رپورٹر ، دنیا نیوز، خبر ایجنسیاں) ملک کی 43 فیصد آبادی کی ویکسی نیشن مکمل ، 12 کروڑ60لاکھ 87 ہزار 515 شہریوں کی مکمل یا جزوی ویکسی نیشن ہو چکی ہے۔
کورونا کی پانچویں لہر کی شدت میں مزید کمی ، مثبت شرح 2.1 فیصدرہ گئی ، 24 گھنٹے میں 20 اموات، 847 نے کیسز رپورٹ ہوئے ، مجموعی اموات 30،173 ہوگئیں۔ پنجاب میں 4 ہلاکتیں، 319 مریض سامنے آئے. لاہور، سرگودھا، فیصل آباد، راولپنڈی میں ایک ایک مریض دم توڑ گیا۔
یہ بھی پڑھیں: اومیکرون ویریئنٹ کی اہم ترین علامات سامنے آگئیں
این سی او سی کے مطابق ملک بھر میں فعال کیسز 36 ہزار803 ہو گئے ۔ مجموعی طور پر 15 لاکھ 8 ہزار 504 افراد کو رونا میں مبتلا ہوئے ۔ محکمہ ہیلتھ پنجاب کے اعداد و شمار کے مطابق صوبہ بھر میں کورونا کے ایکٹ کیسز کی کل تعداد 7,550 ، اموات کی کل تعداد 13,496 ہوچکی ہے گزشتہ 24 گھنٹوں کے دوران کورونا کے 17,077 تشخیصی ٹیسٹ کئے گئے۔
لاہور سے 198، ملتان 17، راولپنڈی 15 ، منڈی بہاؤالدین 13، فیصل آباد 12، ساہیوال ، بہاولپور 6، شیخوپورہ اور ڈیرہ غازی خان سے 5 ، گوجرانوالہ، سرگودھا، رحیم یار خان ، او کاڑه، نکانہ صاحب اور قصور سے کو رونا کے 3، 3 کیسز رپورٹ ہوئے ۔ صوبہ بھر کے تمام شہروں میں کورونا کے مثبت کیس کی مجموعی شرح 1.9 فیصد، لاہور میں مثبت کیسز کی شرح 4.5 فیصد ، راولپنڈی 1.6، فیصل آباد0.8 فیصد، ملتان 1.8 ، گوجرانوالہ سے 0.5 فیصد ریکارڈ کی گئی۔ کورونا کی پانچویں لہر میں وفاقی دارالحکومت میں مجموعی طور پر35 اموات ہوئی ہیں اور 26 ہزار افراد کورونا وائرس کا شکار ہوئے۔